"Pena e Arte", 24 profesore nderohen me cmim

Ministria e Arsimit nderoi dje me cmimin "Pena e Arte", 24 profesore qe kane dale ne pension gjate viteve 2006-2008. Kreu i dikasterit te Arsimit, Genc Pollo, premtoi se nje nisme e tille do te kthehet ne tradite, ne menyre qe te vleresohen figurat qe kane dhene kontribut ne fushen e arsimit dhe kerkimit shkencor. Sipas Pollos, pavaresisht nga mosha natyrore dhe pensionimi sipas ligjit, kontributi i ketyre profesoreve nuk eshte e thene qe te mbaroje me kaq. "Ligji per Arsimin e Larte parashikon mundesi konkrete per te realizuar kete. Statusi i Profesorit Emeritus, lejon qe te kontribuohet me tej ne Arsimin e Larte, sipas mundesive dhe nevojave te gjithsecilit", tha ministri Pollo. Ndersa rektoret e disa universiteteve te Tiranes, Jorgo Kacani, Fatos Harizaj, Petrit Malaj, te pranishem ne kete ceremoni, u shprehen se keta profesore, edhe pse ne pension do te jene te mirepritur ne universitete, me punen e tyre kerkimore: "Ne kohen e Brain Drain, kur te gjithe profesoret tane emigruan jashte shtetit, ju ishit ata qe mbajtet te gjithe punen dhe organizimin e universiteteve shqiptare", iu drejtua rektori i Universitetit Bujqesor te Tiranes, Fatos Harizaj, 24 profesoreve te vleresuar me cmimin me te ri, "Pena e Arte". Ndersa rektori i Akademise se Arteve, Petrit Malaj, shprehu respektin dhe mirenjohjen per keta burra qe gjate jetes se tyre nuk kane menduar per veten e tyre, por per shoqerine shqiptare. Profesoret e pranishem falenderuan ministrin Pollo per kete nisme dhe kerkuan miratimin sa me pare te statusit te profesorit.