Vendimi, largohen lypesit nga rruga
Qeveria ka vendosur te largoje nga rruga cdo lypes dhe t'u ofroje trajtim te vecante. Nje dite pas festes se femijeve, Kryeministri Sali Berisha i ka vene afate Ministrise se Punes per heqjen e cdo lypesi te mitur nga rruget e Shqiperise. "Vendi i ka te gjitha burimet financiare, njerezore dhe logjistike per te mos pasur ne rruget e tij, as edhe nje femije te vetem qe zgjat doren dhe kerkon lemoshe. Do te kerkoja edhe regjistrimin e femijeve rome, kjo sepse ata mund te behen kontingjent i trafikimit", ka theksuar Kryeministri Sali Berisha gjate fjales se tij. Po keshtu, ai ka kerkuar qe grupe pune te nxjerrin numrin e sakte te femijeve jetime qe jane ne vendin tone. Berisha i kerkoi ministrit te Arsimit, Genc Pollo, zhdukjen e analfabetizmit. Por premtimet e Berishes nuk jane besuar aspak nga shoqatat e femijeve. Sipas tyre, ky eshte vetem nje "premtim mediatik" i Kryeministrit dhe asnje gje nuk do te behet realitet. Gjate debateve me shefin e qeverise, Kadri Aliu, kryetar i Shoqates se Jetimeve, deklaroi se ne Shqiperi jane 70 mije jetime, qe marrin vetem 2 mije leke ndihme financiare, e pamjaftueshme per jeten. Sipas kryetarit te Shoqates se Jetimeve, zyrtarisht rezultojne se jane vetem 950 jetime. "Jane 4500 femije, te cilet jetojne ne varferi te skajshme, nderkohe qe nenat e tyre nuk kane mundesi as te marrin ilacet falas, sepse ligji i miratuar nje vit me pare nuk po zbatohet", ka pohuar Aliu. Sipas raportit vjetor, ka rezultuar se 59 per qind e femijeve, te cilet jetojne ne familjet e varfra kalojne dhune psikologjike dhe fizike. Nderkohe po i njejti raport, i cili bazohet ne te dhenat e UNICEF dhe INSTAT, tregon se 49 per qind e femijeve te moshes 2 deri ne 14 vjec jane pre e dhunes fizike.