Pensionet, si perllogaritet vlera

Keshilli i Ministrave miratoi koeficientet e indeksimit te pagave per llogaritjen fillestare te pensionit qe nga viti 1994 deri ne vitin 2007. Pas ketij vendimi te gjithe personat qe kane dale ne pension nga 1 janari i vitit te kaluar, pagat mbi te cilat jane derdhur kontributet nga 1 janari 1994 dhe deri ne momentin e lenies se punes, si dhe pagat referuese qe i perkasin periudhes se sigurimit para kesaj date, do te rivleresohen radhazi, duke u shumezuar edhe me kete koeficient. Keshtu, sipas ketij percaktimi per vitin 1994 koeficienti i indeksimit eshte 1.32 duke u ngjitur ne 1995 ne 1.37 dhe vjen me zbritje deri ne masen 1 per vitin 2007. Sipas ligjit per Sigurimet Shoqerore te Republikes se Shqiperise, parashikohet se shuma fillestare e pensionit mujor te pleqerise perbehet nga nje shume baze dhe nga nje shtese. Shuma baze e pensionit qe u jepet te gjithe personave te siguruar, caktohet cdo vit me vendim te Keshillit te Ministrave dhe aktualisht eshte 8240 leke ne muaj. Shtesa eshte 1 per qind per vit sigurimi, shumezuar me bazen mesatare te vleresueshme qe personat e siguruar kane arritur nepermjet kontributeve. Pervec kesaj, ne kete dispozite percaktohet edhe detyrimi i Keshillit te Ministrave, per te indeksuar cdo vit bazen e vleresimit individual, ne lidhje me zhvillimin e kontributeve mesatare te paguara. Ky koeficient do te sherbeje edhe per indeksimin e pages neto mesatare. Metodika e llogaritjes se ketij koeficienti percaktohet ne ligjin e sigurimeve shoqerore, ku cilesohet qe cdo vit, duke filluar nga data 1 janar, baza e vleresuar vjetore individuale, indeksohet me koeficientin qe llogaritet si raport i kontributit mesatar per cdo person te siguruar, te mbledhur ne vitin e fundit kalendarik, kundrejt te njejtit tregues te vitit pararendes. Ne kete projekt vendim eshte llogaritur koeficienti i indeksimit te bazes se vleresuar individuale qe personat kane arritur nepermjet kontributeve te derdhura per llogari te Fondit te Sigurimeve Shoqerore. Llogaritja e koeficienteve te indeksimit te bazes se vleresuar individuale te cdo kontribuuesi eshte bere mbi bazen e te ardhurave nga kontributet te evidentuara sipas bilanceve financiare te viteve 2006 dhe 2007 dhe mbi bazen e te dhenave statistikore te numrit te personave qe kane kontribuar, sipas viteve. Per sektorin shteteror, numri i kontribuuesve eshte marre nga te dhenat e INSTAT, Forcat e Punes, si mesatare e tremujoreve te vitit 2007. Nderkohe te dhenat e tjera per numrin e kontribuuesve jane mbi bazen e statistikave te ISSH. Duke pjesetuar te ardhurat nga kontributet, me numrin e kontribuuesve per cdo vit me vete, del ngarkesa vjetore mesatare kontibutive per cdo kontribuues. Kjo ngarkese kontributive e vene ne raport me ngarkesen kontributive mesatare te vitit pararendes jep indeksin e rivleresimit te pagave, mbi te cilat jane derdhur kontributet, ose sic quhet indeksi i rritjes se bazes se vleresuar. Ne baze te llogaritjeve, rezulton se kontributi mesatar vjetor, per nje kontribuues ne vitin 2007 eshte 84630 leke, ndaj 84670 leke, qe ishte ne vitin 2006 pra me nje rritje prej 2.1 per qind. Per efekte llogaritje, si edhe per vitet e tjera, indeksi propozohet te jete i plote 2 per qind. A.G

Koeficientet e indeksimit

Per vitin 2007 1.00;

Per vitin 2006 1.04;

Per vitin 2005 1.02;

Per vitin 2004 1.12;

Per vitin 2003 1.10;

Per vitin 2002 1.09;

Per vitin 2001 1.14;

Per vitin 2000 1.07;

Per vitin 1999 1.09;

Per vitin 1998 1.05;

Per vitin 1997 1.22;

Per vitin 1996 1.09;

Per vitin 1995 1.37;

Per vitin 1994 1.32.