Përfaqësuesit institucionalë kundërshtojnë vendimin e Gjykatës

Përfaqësuesit institucional të Luginës së Preshevës, në një seancë të jashtëzakonshme, e kanë vlerësuar të motivuar politikisht, pa asnjë provë dhe dëshmi ligjore, vendimin e Gjykatës së Beogradit për dënimin e 9 shqiptarëve me 101 vite burg. Sipas përfaqësuesëve të luginës së Preshevës, vendimi ka qënë i njëanshëm dhe jo i drejtë. Ata kanë kërkuar shfuqizimin e këtij akt gjykimi ose në të kundërt do të shqyrtohen të gjitha format e veprimit politik.

Përfaqësuesit politikë dhe institucionalë të shqiptarëve të Luginës së Preshevës, theksuan se kjo seancë e jashtëzakonshme është ftuar për të shprehur zemërimin dhe reagimin e shqiptarëve të Luginës lidhur me vendimin e kësaj gjykate.