Përfundojnë ndeshjet e grupeve për Kupën Uefa

Janë luajtur mbrëmë ndeshjet e fundit për grupet A, B, C dhe D, të vlefshme për Kupën Uefa. Tre skuadrat e renditura të parët në çdo grup do të kalojnë në turin tjetër, ku këtyre do t’u bashkohen edhe skuadrat e renditura të tretat në grupet e Ligës së Kampioneve.

Në grupin A eleminimi iI Paris SG dhe Shalkes është surprizë, pasi ishin skuadra me pretendime për këtë trofe.

Në grupin B kualifikohet si kokë e grupit skuadra e Metalistit dhe dy ballkanaset, Gallatasaraj dhe Olimpiakos. Herta arriti të grumbullojë vetëm 2 pikë, ndërsa Benfika, që eleminoi dhe Napolin, mori vetëm një pikë.

Në grupin C bie në sy eleminimi i Seviljas dhe renditja në vend të parë e Standartit të Liezhit. Sampdoria dhe Shtutgarti janë skuadrat e tjera që i bashkohen Standartit.

Në grupin D humbja 0-2 me Nec nuk i prish shumë punë Udinezes, e cila u rendit e para. Të dytët u renditen anglezët e Totenhemit, ndërsa Nec është ekipi i tretë që kalon për më tej.

Më poshtë do të paraqesim ndeshjet e grupeve, A, B, C, D, dhe renditjen e skuadrave. Tre skuadrat e para kualifikohen për në turin tjetër që do të jetë me sistemin vajtje-kthim. Short do të hidhet ditën e sotme.

Grupi A

SG – Tuente 4-0
Santander – Man Siti 3-1

1.Man Siti 7
2.Tuente 6
3.Santander 5
4.Paris SG 5
5.Shalke 4

Grupi B

Benfika – Metalist 0-1
Olimpiakos – Herta B. 4-0

1.Metalist 10
2.Gallatasaraj 9
3.Olimpiakos 6
4.Herta Berlin 2
5.Benfika 1

Grupi C

Sampdoria– Sevilja 1-0
Shtutgart – Standart L. 3-0

1.Standart L. 9
2.Sampdoria 7
3.Shtutgart 7
4.Sevulja 6
5.Partizan B. 0

Grupi D

Nec – Udineze 2-0
Totenhem – Spartak M. 2-2

1.Udineze 9
2.Totenhem 7
3.Nec 6
4.Spartak M. 4
5.Dinamo Z. 3