Përfundon RINUMERIMI, Basha merr 14 vota më shumë se Rama

(E PERDITESUAR)- Ka përfunduar rinumërimi i urdhëruar nga Kolegji Zgjedhor për kutitë e Tiranës. Në kutitë e rinumëruara, Basha udhëheq me 14 vota, një avantazh që e ka krijuar në numërimin në njësinë 11, një bastion i së djathtës. Mbi 1700 kuti u hapën me urdhër të Kolegjit Zgjedhor. Por në vetëm 117 kuti që hapi vetë KQZ, Basha ishte në një avantazh të theksuar me 91 vota. Partia Socialiste thotë se nuk ka rakordim shifrash dhe do bëjë ankimim. Kurse përfaqësuesi ligjor i PS në KQZ thotë se mbi 900 kuti kanë pasur probleme.