Përgjaken Krishtlindjet në Nigeri

Një sulm me bombë gjatë meshës së Krishtlindjeve në një Kishë të Nigerisë në Abuja, ka bërë që të humbin jetën dhjetëra njerëz dhe të plagosen disa të tjerë.

Sipas agjencisë së lajmeve ANSA një bombë shpërtheu në afërsi të kishës Shën Tereza në lagjen e quajtur Madala në Abuja, duke shkaktuar dhjetëra viktima e të plagosur.

Autoritetet konfirmuan shpërthimin, por nuk bënë të ditur detaje të tjera rreth ngjarjes së rëndë. Mediat raportojnë për rreth 20 viktima.