Pergjimi Prokuroria kerkon eksperte amerikane
Prokuroria e shqiptare kerkon ndihmen e eksperteve amerikane per te verifikuar vertetesine e videos se pergjimit mes dialogut te Ilir Metes me Dritan Priftin. Prokuroria kerkon ne kete menyre nje ekspertize sa me profesionale per videon qe ka vene ne levizje politiken shqiptare por dhe ate nderkombetare. Konfirmimi per ekspertet eshte bere nga vete ambasada amerikane. Ne nje deklarate per shtyp ambasada e SHBA-se ne Tirane thekson se diten e premte organi i akuzes i ka derguar ambasades nje kerkese per eksperte te cilet do te kryejne ekspertizen e videos ku ish-zevendeskryeministri dhe ish-ministri i METE-s Ilir Meta shfaqej ne nje dialog me ish-ministrin e Ekonomise Dritan Prifti. Ne deklaraten e ambasades se SHBA-se ne Tirane thuhet se kerkesa e derguar nga organi i akuzes eshte duke u shqyrtuar dhe me pas do te vendoset nese ne Shqiperi do te vijne eksperte amerikane per te vertetuar autenticitetin e videos. Nderkohe prokuroria ka nisur hetimet nje dite pas publikimit te videos ne media duke sekuestruar edhe pamjet filmike. Hetimi eshte per veprat penale te korrupsionit aktiv dhe pasiv te zyrtareve te larte shteterore dhe akuzen e shperdorimit te detyres. Nga burime te prokurorise thuhet se ka nisur edhe sekuestrimi i dokumenteve ligjore mbi bizneset dhe kompanite qe zoterojne disa prej personave te permendur ne dialogun Meta-Prifti.