Permbytja, kompensimi per gjene e gjalle 10.4 milione leke
Pas verifikimeve qe jane bere nga Ministria e Bujqesise ne zonen e Shkodres per demet e krijuara nga permbytja rezulton se fondet e nevojshme per kompensim jane vetem 10.4 milione leke, nga 35.4 milione leke qe ishte fondi i vene ne dispozicion per veterinarine. Sipas verifikimeve qe ka bere grupi i eksperteve, ka rezultuar se nga gjeja e gjalle jane demtuar 19 gjedhe, 169 te imta, 9 derra, 4695 shpende, 2 kuaj dhe 226 koshere blete. Burimet zyrtare nga Ministria e Bujqesise njoftojne se per te ruajtur nga infeksionet kafshet ne kete zone, eshte hartuar programi i nevojave per medikamente veterinare dhe biopreparate profilaktike veterinare. Situata ndiqet cdo dite duke marre informacion te vazhdueshem dhe njekohesisht bashkepunohet me qarqet e tjera per sigurimin e bazes ushqimore dhe medikamente veterinare. Drejtoria e Shendetit te Kafsheve dhe Mbrojtjes se Bimeve ka qene pjese e grupeve te punes te urdheruara nga Ministri i Bujqesise, Ushqimit dhe Mbrojtjes se Konsumatorit, Genc Ruli per dhenien e ndihmes dhe asistences teknike ne Qarkun e Shkodres. Eshte punuar se bashku me specialistet e Drejtorise se Bujqesise, Ushqimit dhe Mbrojtjes Konsumatorit, Qarku Shkoder. Kryesisht ndihma dhe asistenca ka qene ne vleresimin e situates per gjendjen shendetesore dhe nevojat per ushqim te kafsheve ne zonat e permbytura ne tre komunat e ketij qarku. Grupet jane perbere nga Drejtori i Shendetit te Kafsheve dhe Mbrojtjes se Bimeve, shefi i Sektorit te Shendetit te Kafsheve dhe specialiste te kesaj drejtorie. Eshte mbajtur kontakt i perhershem me kryeinspektorin e veterinarise se ketij qarku si dhe inspektoret qe operojne neper komuna. Ne bashkepunim me Drejtorine e Bujqesise, Ushqimit dhe Mbrojtjes Konsumatorit, Qarku Shkoder eshte bere vleresimi i numrit te krereve te gjedhit, ruminateve te vegjel, derrave, pulave dhe kafsheve te tjera te kercenuara nga rreziku i mungeses se ushqimit, infeksioneve te mundshme dhe aksidenteve te tjera qe mund te ndodhin si pasoje e qendrimit nen uje. Jane llogaritur nevojat ushqimore per koncentrate dhe sane per nje periudhe 15 ditore dhe jane hartuar grafiket e furnizimit javor dhe ditor, te cilat i jane dorezuar Shtabit te Emergjences ne prefekturen e Shkodres. Gjate kesaj kohe ka vazhduar shperndarja e bazes ushqimore (koncentrat, bar, jonxhe, sane) ne komunat Guri i Zi, Dajc, Ana e Malit dhe Velipoje, Berdice, Bushat, Bashkia Shkoder dhe tufat e bagetive te imta te shtegtuara nga Qarku Kukes. B.Hoxha
Demet e permbytjeve, ekspertet vleresime ne terren
Demet e shkaktuara nga permbytjet e medha gjate diteve te fundit po vleresohen nga institucionet pergjegjese ne terren, pasi te jene terhequr ujerat qe kishin permbytur mbi 10 mije hektare toke. Vleresimi i demeve po behet nga grupet e punes, qe jane te perbere nga perfaqesues te ministrive dhe pushtetit vendor. Ekspertet e Ministrise se Bujqesise dhe te Ministrise se Brendshme, po dalin ne zonat e prekura per te bere verifikimin e demeve. Ata po ndihmohen edhe nga punonjes te qeverisjes lokale ne gjithe angazhimin per vleresimin e demeve. Ne kete proces vleresimi do te percaktohen demet qe kane pesuar shtepite dhe orendite shtepiake, qe u perfshine nga permbytjet, te cilat u evakuuan nga te zotet. Ne rast se do te vleresohen demet serioze ne shtepi te caktuara. Do te evidentohen demet ne parcelat e permbytura ne tokat bujqesore, serrat, do te numerohen humbjet e bagetive qe kane pesuar banoret e zonave te permbytura. Vleresim do te behet per makinerite bujqesore te banoreve te komunave si dhe automjeteve te dala jashte perdorimit nga permbytjet. Nga ana tjeter qeveria eshte shprehur qarte se do te demshperbleje banoret e zonave te prekura nga permbytjet. Vete kryeministri Sali Berisha, ka deklaruar prerazi se qeveria e tij do te paguaje deri ne qindarken e fundit, te gjithe banoret e ketyre zonave per demet qe iu shkaktuan. Sigurisht, procesi kerkon pak kohe. Pas evidentimit te demeve nga ana e grupeve te punes do te perpilohet fatura financiare, e cila do t'i kaloje Ministrise se Financave. Me pas, kjo ministri do t'ia kaloje per miratim qeverise kete fature financiare.