Permbytje edhe ne zonen historike te qytetit

Qyteti i Gjirokastres eshte perfshire dje nga reshje shiu me intensitet teper te larte duke shkaktuar vershime te rrembyeshme dhe permbytje. Reshjet fillimisht kane nisur pak pas mesit te nates dhe kane vazhduar pergjate gjithe kohes panderprere deri ne mesdite. Nje numer rrugesh dhe rrugicash te te dy pjeset e qytetit jane bllokuar nga vershime mjaft te rrembyeshme te rrekeve te ujit duke krijuar veshtiresi te medha ne qarkullimin e njerezve dhe automjeteve. Rreke te fuqishme e te vrullshme uji kane zbritur nga lagjet e siperme te qytetit duke vershuar me pas me me shume volum uji ne lagjet e poshtme te qytetit ne 18 Shtatori Hazmurat Punetori etj. Segmentet me problematike kane qene sidomos rruga qe qarkon stadiumin e futbollit rruge e cila ishte krejtesisht e permbytur. Reshjet kane permbytur dy shtepi te lagjes Palorto fare prane gjimnazit Asim Zeneli ne zonen historike te qytetit. Mungesa e pritave ne perrenjte e qytetit ka bere qe uji te futet brenda ambienteve te banuara.