Reshjet e shiut demtojne lokalet te tuneli i Thirres

Reshjet e rrembyera te shiut qe rane ne krejt zonen verilindore gjate 24 oreve te fundit kane shkaktuar deme edhe ne tunelin e Kalimashit perkatesisht ne hyrjen Thirre-Kalimash. Rritja e nivelit te perrenjve qe ushqejne lumin e Fanit te Madh si dhe te inerteve qe sjellin reshje te rrembyera kane bere qe te permbyten disa lokale qe ndodhen ne balle te tunelit. Ujerat kane vershuar me nje sasi te madhe inertesh duke rrafshuar gati shumicen e kioskave si dhe pothuajse krejt ndertesen qe sherbente per mbajtjen e transformatoreve si dhe pajisjet e tjera logjistike ne sherbim te punimeve te tunelit. Burime nga kompania e ndertimit te kesaj vepre thane per gazeten Shqip se situata eshte vene shume shpejt nen kontroll. Se pari morem masa per heqjen e rrymes elektrike duke bere uljen e thikave ne transformatoret per te shmangur shkarkimet elektrike tha nje nepunes i kompanise Bechtel-Enka duke shtuar se i gjithe personeli ishte mobilizuar ne minimizimin e demeve kryesisht duke larguar mjetet e punes nga vendi i erozionit. Tuneli gjate dites se djeshme eshte furnizuar me energji elektrike nepermjet linjave rezerve ndersa mendohet se sot atje do te rivendoset normaliteti. Ujerat dhe materialet inerte kane demtuar disi edhe pjese te argjinatures se tunelit si dhe nje pjese te murit dekorativ ne pjesen ballore. Nderkohe mesohet se jane shkaktuar deme edhe ne lokalet private te sheshit para tunelit.