Permbytje ne Jug, bllokohen rruget, rrezikohen shtepite

Shirat e rrembyeshem te dites se djeshme, pas demeve kolosale ne qarkun e Lezhes permbytin Gjirokastren dhe Corovoden. Po keshtu prurjet e lumit Vjose ne Fier, kane detyruar autoritetet vendore qe te dalin ne nje deklarate publike, ku i kerkojne banoreve afer shtratit te lumit, te evakuohen sa me pare per cdo situate emergjente. Diten e djeshme qarku i Gjirokastres eshte perfshire nga shira te rrembyeshem, qe shkaktuan daljen nga shtrati, te lumit Drino dhe permbytjen e siperfaqeve te tera me te mbjella ne Dropull dhe Antigone. Drejtori Rajonal i Rrugeve, Paqesor Aliko, tha se shirat kane shkaktuar rreshqitje te dherave ne aksin kombetar Tepelene-Gjirokaster dhe me problematike situata ka qene ne vendin e quajtur Shkalla e Zeze. Sipas tij me ane te makinerive eshte bere pastrimi i rruges dhe zhbllokimi i qarkullimit. Po keshtu eshte nderhyre edhe ne Memaliaj, pasi ujerat permbyten rruget. Patrulla te policise kane ngritur postblloqe ne akset Tepelene-Gjirokaster-Kakavije dhe Permet-Tri Urat. Situate problematike eshte paraqitur edhe ne Corovode, ku shirat permbyten rruget kryesore te qytetit, Ujesjellesin dhe rrezikuan shtepite.

B. Kore