Perurohet rruga Transballkanike ne Vlore

Kryeministri Berisha inauguroi dje ne Vlore, perfundimin e punimeve per rrugen Transballkanike, duke e quajtur ate me nje rendesi jetike per zhvillimin e nje qyteti. Gjate inaugurimit te rruges me nje gjatesi 2.5 km, dhe vlere 725 milion leke, kryeministri Berisha deklaroi se ndryshe nga Partia Socialiste, mazhoranca aktuale e mbajti premtimin per perfundimin e kesaj rruge. "Kjo eshte arterie jetike per qytetin e Vlore, pasi e mbron qytetin nga i gjithe transporti i rende qe diktohet nga porti. Kjo rruge ka dy aspekte, socialistet e premtuan, prene shirita dhe mashtruan, ndersa ne e premtuam dhe e ndertuam. Une kam besim te madh se cdo qytetar i Vlores di te beje dallimin, nen kthjelltesine e diellit", deklaroi kryeministri Berisha gjate inaugurimit te rruges. Kryeministri Berisha deklaroi se qeveria do ti shtoj infrastruktures se ndertuar tashme te Vlores edhe nje aeroport. "Gjerat e medha behen me nje rend. Vlora sot ka bulevardin, ka parkun energjetik, parkun industrial, ka universitetin modern, do te kete dhe aeroportin", premtoi Berisha. Po keshtu kryeministri Berisha vleresoi infrastrukturen e ketij qyteti, duke e pergezuar vlonjatet per pamjen madheshtore dhe te bukur qe ky qytet bregdetar ka marr. "Ndertimet ne Vlore kane nje merite se i jane permbajtur ndertimeve te qyteteve bregdetare dhe e zbukurojne ate, duke i dhene pamjen e nje qyteti te mrekullueshem", konstatoi kryeministri Berisha.