Pije te skaduara 40 femijeve, gjobe kompleksit turistik

Drejtoria e Shendetit Publik te Vlores ka nisur nje inspektim te zones se bregdetit nga Radhima ne Orikum. Shkak per kete aksion ka qene nje incident i ndodhur ne nje kompleks turistik ne zonen e Orikumit, ku ishin mbledhur per te festuar rreth 40 nxenesit me te mire te shkollave publike te Vlores e Orikumit, me rastin e festimeve. Femijeve u jane servirur pije freskuese te skaduara per me se nje viti. Prania rastesore e drejtoreshes se DSHP-se Vlore, Brunilda Ndreu, mundesoi evidentimin e konsumit, duke vene ne levizje edhe vartesit diten e djeshme per te ushtruar kontrolle. Ne nje konference per shtyp, drejtoresha Ndreu tha se, "kompleksi turistik do te ndeshkohet me gjobe 600 mije leke dhe do t'i hiqet perfundimisht leja higjieno-sanitare, per aktivitetin e tij". Drejtoria e Shendetit Publik te Vlores nisi nje inspektim te zones, duke kontrolluar cdo lokal, hotel apo restorant ku servireshin pije te ndryshme. Sipas Ndreut, "kjo ngjarje shtoi vemendjen e inspektoreve te higjienes ne te gjithe zonen, te cilet tashme kane nisur inspektimet per verifikimin e kushteve higjieno-sanitare ne plazhe private, bare, restorante e hotele". Gjithashtu kontaktet e vendosura me Drejtorine e Bujqesise dhe Ushqimit kane bere qe puna te koordinohet dhe kontrollet te jene ne shume sektore, me qellim qe bizneset te operojne ne kushte higjieno-santirae te lejueshme per sezonin veror, per te evituar incidente per shkak te shkeljeve dhe mospasjes se kushteve. Per fat te mire sipas Ndreut nuk ka pasur pasoja ne shendetin e 40 femijeve prezent ne kete feste qe u jane servirur pijet. Ne feste ka pasur edhe shume te ftuar te tjere dhe numri i pergjithshem i pjesemarresve mesohet se shkonte ne 100 persona. "Kontrollet do te vazhdojne edhe ne ditet e ardhshme, sidomos pergjate sezonit veror, ku rreziku paraqitet me i madh ne zonen e plazhit", eshte shprehur drejtoresha e Shendetit Publik te Vlores gjate prononcimit diten e djeshme.

Ngjarja, diten e 1 Qershorit

Ngjarja ka ndodhur pikerisht gjate festes se 1 Qershorit, ndersa drejtuesit e kompleksit kane shfrytezuar momentin per te servirur pijet. Mesohet se jane sekuestruar te pakten 5 arka te ndryshme me pije freskuese qe mbanin afatin e skadences se vitit te kaluar.

O. Hila