Plagoset 49-vjeçari në minierën e Bulqizës, drejt Tiranës me helikopter

Bulqizë- Një tjetër minator është plagosur sot në minierën e Bulqizës rreth mesditës.

Sipas burimeve të policisë, i lënduari është 49-vjeçari Mustafa Perkola, i cili po transportohet me helikopter drejt Spitalit Ushtarak në Tiranë për një trjatim më të specializuar.

Mësohet se ngjarja e rëndë ndodhi në nivelin 15 të galerisë 64.

Sipas burimeve, thuhet se 49-vjeçari u përplas dhe u zu poshtë nga vagonët me krom në minierë.

Nuk dihen shumë detaje për gjendjen shëndetësore të tij, por thuhet se Perkola është jashtë rrezikut për jetën.