Plagosja në Tiranë, arrestohet autori

Policia e Tiranës ka bërë të mundur arrestimin e autorit të plagosjes së djeshme në kryeqytet. Sipas burimeve të policisë është arrestuar shtetasi Bruno Toska pasi mbrëmjen e kaluar ka plagosur me thikë shtetasin Agron Biba. Ngjarja ka ndodhur mbrëmë rreth orës 23:00 pranë tregut elektrit ku Toska ka goditur me thikë Agron Bibën dhe më pas është larguar nga vendi i ngjarjes.
Menjëherë policia ka identifikuar autorin dhe vetëm ditën e sotme ka bërë të mundur arrestimin e tij.
Ndërkohë të gjitha materialet i kanë kaluar prokurorisë së Tiranës për hetime të mëtejshme.