Plagosje te Tirana e Re, 2 ne kerkim

Nje i ri nga kryeqyteti eshte plagosur mbreme ne zonen e Tiranes se Re, pas nje grindjeje per motive ende te pazbardhura. Policia e Kryeqytetit nuk ka bere te ditur emrin e te demtuarit, per arsye te sekretit hetimor, por mesohet se ai eshte derguar ne spital. Plagosja eshte bere me arme zjarri, rreth ores 21.30 te mbremjes. Krismat kane alarmuar banoret, qe kane telefonuar ne polici. Burime nga uniformat blu bene te ditur se atentatoret jane larguar me nje autoveture me targa MA 3588 A. Policia tha se jane identifikuar dhe jane shpallur ne kerkim dy personat qe shkaktuan plagosjen. Uniformat blu nuk bene te ditur emrat e te dyshuarve, ndersa tha se jane ngritur postblloqe ne rruget e Tiranes dhe rruget kombetare qe lidhin kryeqytetin me Jugun e vendit. Per ngjarjen jane lajmeruar edhe komisariatet e policise ne rrethet fqinje, te cilat kane marre urdher te ndalojne automjetin me targa te Mallakastres, brenda te cilit ndodhen dy personat e armatosur.
A.C