Platini: Jo levizjes se minoreneve
"Te ndalohet transferimi futbollisteve minorene ne Evrope". Kjo eshte linja e re qe po ndjek presidenti i UEFA-s, Mishel Platini, i cili ka nderhyre gjate mbledhjes se 27 ministrave evropiane te Punes, te mbajtur ne Brest. Numri nje i organizmit me te madh te futbollit evropian ka kerkuar norma te reja, ne lidhje me qarkullimin e punetoreve ne kontinentin e vjeter per te ruajtur futbollistet nen moshen 18 vjec dhe klubet qe i kane formuar. "I dorezova ministrave nje memorandum me 16 pika, duke shprehur ate qe presim ne dhe federatat e tjera te sporteve me skuadra, per te ruajtur rendesine e sportit, qe nuk eshte me ai i 40 viteve me pare", eshte shprehur Palatini. Presidenti i UEFA-s ka kritikuar edhe nje here menyren e transferimeve te lojtareve, sidomos ate te futbollisteve minorene. Sipas tij, transferimi i ketyre lojtareve dobeson klubet qe i kane rritur dhe forcon vetem pak klube shume te pasur. "Nuk mund te lejojme ne ditet e sotme qe nje lojtar i Rene apo Brestit, qe eshte 14 apo 15 vjec, te blihet nga nje klub i pasur anglez, italian apo spanjoll. Kjo nuk eshte logjike, pasi futbollistet nuk duhen formuar vetem per t'u shitur, por per t'i aktivizuar ne skuadrat respektive. Per kete duhet ndaluar transferimi i lojtareve nen moshen 18 vjec dhe te mbeshtesim klubet per t'i mbajtur dhe aktivizuar ata".