Po ku je Sali Fazlliçi

Po ku je Sali Fazlliçi,

O nacionalist me nam

Që për pakëz shqiptarizëm,

Eh! gjithmonë bëje hatanë

Cili je në të vërtetë,

o “udheheqësi legjendar”

Je i ndershëm siç pëllet,

apo burri telendar...

Je kalorësi antivjedhje

që lufton me celular?

Apo thjesht bab’i Argitës,

që s’po lë pronë pa e marrë

Je burrë-shteti dhe zotni,

që në botë na përfaqson?

Apo thjesht bab’i Shkëlzenit

që sekserët koordinon?

Je timiku i Kosovës,

që luftonte drejt lirisë

Apo “antisllav” i thekur,

që i çonte naftë Serbisë?

Pse çdo gjë që bëke ti,

paska një justifikim

Pse gjithmonë gaboka tjetri

Kurse ti s’je kurrë gabim?

Cili je mor firaun,

se i bëre lëmsh shqiptarët

A je me këta të dytët,

A je me ata të parët?