Pogradeci mund 1-0 Burrelin dhe mban gjallë pretendimet

Pogradeci merr tri pikë të rëndësishme për ecurinë e saj në këtë sezon të Kategorisë së Parë. Ndeshja e fundit e javës së dytë të ligës inferiore të Shqipërisë është luajtur dje në stadiumin e qytetit të Korçës. Skuadra pogradecare ka pritur miqtë nga Burreli, ndaj të cilëve ka fituar me rezultatin e ngushtë 1-0. Objektivi i klubit nga qyteti juglindor i Shqipërisë në këtë sezon është ngjitja për herë të parë në elitën e futbollit shqiptar, Kategorinë Superiore. Në këtë mënyrë, dje pogradecarët kanë siguruar tri pikë të arta, duke mbajtur gjallë pretendimet e tyre për të zënë një vend mes katër skuadrave të para, që japin shanse për të bërë kapërcimin e madh drejt promovimit historik. Të shtunën ishin luajtur edhe ndeshjet e tjera të javës së 22 të Kategorisë së Parë, ku kishte spikatur barazimi 1-1 mes Kamzës-Partizanit, që u zhvillua në qytezën në periferi të kryeqytetit, i shoqëruar edhe me disa incidente. Po të kemi parasysh faktin se rivalët e tjerë, që synojnë Superioren, fituan po të shtunën. Bylisi, i pandalshëm në këtë kampionat, ka mundur 4-1 Bilisht Sportin, në Ballsh, Lushnja ka triumfuar pa shumë vështirësi, 3-0 ndaj Memaliajt në “Roza Haxhiu”, ndërsa Elbasani ka dalë me një barazim të bardhë 0-0 nga transferta e vështirë e Velipojës, me Adën vendase. Goleadë ka realizuar Turbina e Cërrikut, në ndeshjen që luajti në shtëpi me Gramshin. Fitorja 5-0 tregon supremacinë e cërrikasve në këtë ndeshje, aq sa ka “korrur” edhe Luftëtarin në sfidën e luajtur në Gjirokastër, ndaj Sopotit. Fitore minimale 1-0, por që ka vlerën e tri pikëve, ka marrë Besëlidhja në shtëpi ndaj Skraparit.