Policia asgjeson 2083 rrenje hashash, ne kerkim autori

Tepelene- Efektivat e policise se Qarkut te Gjirokastres kane asgjesuar dje siperfaqe te mbjella me bime narkotike ne rrethet e Permetit, Tepelenes dhe Gjirokastres. Gjate nje operacioni antikanabis te zhvilluar ne fundjave ne nje zone malore ne rrethin e Tepelenes policia ka asgjesuar 2083 rrenje bime narkotike, nderkohe qe ka shpallur ne kerkim kultivuesin e tyre. Operacioni i koduar "Hija e lisit" eshte zhvilluar nga specialistet dhe agjentet e Sektorit te Luftes Kunder Krimit te Organizuar ne bashkepunim me forcat e policise se Komisariatit te Tepelenes, ne pyllin e fshatit Krahes, Tepelene. Gjate kontrollit dhe krehjes se kesaj zone ne vendin e quajtur perroi i Harakopit, policia evidentoi 3 parcelave te hapura rishtas per te kultivuar bime narkotike. Sipas policise bimet e dyshuara si kanabis sativa, varionin nga 150 cm deri ne 3, 5 m te larta, madje nje pjese deri ne 4 m te larta. Mesohet se autori i kultivimit te kesaj parcele me hashash, emri i te cilit nuk behet i ditur, ka mundur te largohet duke u fshehur ne zonen perreth. Nga ana e policise u kryen te gjitha veprimet proceduriale dhe hetimore, si marrja ne cilesine e proves materiale te nje sasie rrenje bimesh per ekspertim bio-kimik, ndersa bimet e tjera jane asgjesuar ne vend me ane te djegies.