Policia kalon ne gjendje te perforcuar
Situata e jashtezakonshme e permbytjeve sidomos ne zonen e Shkodres dhe te Lezhes ka bere qe policia te kaloje ne gjendje gatishmerie jo vetem ne keto dy qarqe por ne te gjithe vendin. Detyrat e saj nuk kane te bejne vetem me ruajtjen e rendit por qe nga dhenia e ndihmes se qytetareve per evakuim e deri te ruajtja e pronave te tyre tashme te braktisura per shkak te permbytjeve. Ne ndihme te policise lokale kane shkuar edhe shume sherbime nga qytetet e tjera apo forcat e FNSH-se dhe RENEA-s.
Mobilizimi i gjithe qeverise ne zonat me problematike te dy qyteteve te permbytura ka bere qe Tirana te dale jashte vemendjes keshtu qe eshte kerkuar ndihma e policise. Pas urdhrit te dhene nga Kryeministri i vendit Drejtoria e Pergjithshme e Policise se Shtetit ka pergatitur nje plan masash per te gjithe drejtorite e qarqeve per te kaluar ne sherbim te perforcuar. Keshtu shume sherbime jane derguar ne ndihme te kolegeve te Shkodres ku efektivet e Policise se Shtetit dhe te Forcave te Armatosura po veprojne ne terren. Krahas evakuimit te banoreve ata po kryejne edhe furnizimin me ushqim uje te pijshem e veshmbathje te banoreve te evakuuar e po keshtu po angazhohen per perforcimin e argjinaturave.
Nga ana tjeter strukturat policore kane marre te gjitha masat per garantimin e rendit dhe sigurise publike ne te gjithe territorin e vecanerisht ne zonat e permbytura. Ne cdo qark institucionet shteterore jane marre ne mbrojtje si nga policia ashtu edhe nga sherbime te tjera per shkak te parandalimit te ndonje akti kriminal sidomos ne rastin e vjedhjeve. Madje policia e Tiranes i ka kaluar sherbimet e perforcuara ne te tria turnet e saj ku uniformat blu jane detyruar te dalin me ore te tera ne pune.
Nderkaq forcat speciale te RENEA-s jane dislokuar ne Shkoder. Ekipi i zhytjes eshte marre direkt me evakuimin e banoreve edhe per shkak te frikes per te hyre ne zona te rrezikshme qe tashme ndodhen nen uje. Sherbimet e tjera te repartit special kane ndihmuar ne evakuimin e banoreve dhe sistemimin e tyre neper vendet ku po strehohen. Gjithashtu me sherbime te tilla jane marre edhe Forcat e Nderhyrjes se Shpejte sidomos ato te Shkodres dhe te Tiranes. Ndersa ato te Fierit jane angazhuar ne rastet e permbytjeve ne jug te vendit.
Nderkaq Ministria e Brendshme deklaroi dje se situata shendetesore eshte nen kontroll dhe eshte koordinuar puna me strukturat policore dhe ushtarake per transportimin e ekipeve mjekesore. Duke qene se shume rruge jane bllokuar transportimi i ekipeve mjekesore shpeshhere eshte kryer me rruge ajrore. Vec ketyre masave nje tjeter detyre e policise ka qene edhe qarkullimi rrugor. Sipas te dhenave policia rrugore eshte angazhuar ne perballimin e levizjeve te mjeteve sidomos ne rruge kryesore ku ditet e fundit ka pasur disa bllokime.
Ata kane keshilluar qytetare te ndryshem qe te mos ecin me shpejtesi me qellim per te parandaluar aksidente tragjike. Madje jo me larg se dy dite me pare autostrada Tirane-Durres u bllokua thuajse pergjate gjithe dites per shkak te daljes se ujit ne asfalt. Ne keto kushte policia keshilloi drejtuesit e mjeteve qe mos te ecnin me shpejtesi te larte per shkak te kushteve jo optimale ne keto dite te veshtira qe po kalon vendi.