Evakuimi i banoreve rikthehen vjedhjet ne zonat e permbytura
Evakuimi i banoreve te Shkodres ka shtuar dhe nje tjeter detyre te rendesishme per organet kompetente e cila eshte ajo e mbrojtjes se pronave te braktisura. Nga frika e vjedhjeve policia ka shtuar sherbimet ne zonat e permbytura me qellim parandalimin e ketij fenomeni. Duke qene se hajdutet nuk pyesin per fatkeqesi kjo i detyron sherbimet e policise qe dite-nate te bejne sherbime ne banesat e braktisura. Madje vete banoret e evakuuar e kane ngritur kete problem duke kerkuar ndihmen e policise. Sipas te dhenave te gjithe te larguarit nga banesat e permbytura nuk kane qene ne gjendje te marrin asgje me vete duke i lene ato ne uje. Ne keto kushte i kane kerkuar ndihmen policise duke qene se aty ndodhen edhe gjera me shume vlere. Policia tha ne lidhje me kete shqetesim se ka bere patrullime te shumta sidomos gjate nates por eshte shume e veshtire qe te mbahet nen mbikeqyrje e gjithe zona. Ne patrullim ka ndihmuar edhe ushtria megjithese deri tani nuk eshte regjistruar ndonje vjedhje. Sic dihet nga shifrat zyrtare te Ministrise se Brendshme jane evakuuar mbi 2600 familje banesat e te cilave jane te ekspozuara nga fenomeni i vjedhjes. Nga policia mesohet se mbi 1 mije efektive te cilet kane vijuar punen edhe gjate dites se djeshme vec detyrave te tjera jane marre edhe me ruajtjen e prones private. Gjithashtu keto forca policore kane kryer sherbime me orar te zgjatur ku kryesisht turnet jane ndryshuar cdo 12 ore ose cdo 24 ore. Vec te tjerash shume punonjes policie qendrojne ne gatishmeri per nevojat qe mund te thirren nga autoritetet shteterore. Policia vuri ne dukje se per permbytjet ne Shkoder dhe Lezhe ka vene ne dispozicion deri tani rreth 3 mije punonjes policie dhe shume te tjere nga ushtria. Por gjendja e gatishmerise eshte edhe ne qytetet e tjera por jo aq shqetesuese sa keto dy qarqe. Problemi i vjedhjeve ka rezultuar edhe ne fillim te ketij viti kur ndodhi permbytja e pare. Per te folur me shifra policia shpjegoi se mund te behet e mundur vetem pas stabilizimit te gjendjes. Kur banoret te rikthehen ne banesat e tyre atehere mund te behen bilance edhe per vjedhjet e kryera pavaresisht se ky fenomen nuk po lihet jashte kontrollit per tu minimizuar sa me shume.