Policia s'garanton tubimin e PS Redinalda Caushaj

Tirane- Drejtoria e Policise se Qarkut Tirane, nuk garanton mbarevajtjen dhe zhvillimin e tubimit te sotem te organizuar nga Partia Socialiste. Zhvillimin e nje tubimi-homazh, policia e ka konsideruar dje te rrezikshme per sigurine kombetare dhe publike, duke iu referuar edhe demonstrates se zhvilluar me daten 21 janar. Gjate nje konference per shtyp, zedhenesi i drejtorise se Policise se Qarkut Tirane, Arben Nasufi beri me dije dje, edhe pergjigjen e policise ne lidhje me kerkesen per tubim te Partise Socialiste, Dega Tirane. Sipas tij, ne shkresen Nr.4, te protokolluar me daten 26 janar te ketij viti, "Njoftim per tubim", derguar ne Drejtorine e Policise se Qarkut Tirane, nga Partia Socialiste, behej me dije se organizimin i nje tubimi homazh ne date 28 Janar 2011, ora 13:30 deri ne oren 15:30, ku grumbullimi i pjesemarresve organizohet ne disa vend grumbullime, duke levizur ne drejtim te bulevardit "Deshmoret e Kombit", Tirane. Lidhur me kete kerkese, policia sqaron se pavaresisht masave qe do te marre, ne perputhje me detyrimet e percaktuara ne ligjin "Per Policine e Shtetit" dhe bazuar ne nenin 1, pika 2, te Ligjit Nr.8773, date 23.04.2001 "Per Tubimet", ajo nuk garanton mbarevajtjen dhe zhvillimin. Per kete fakt, policia i referohet demonstrates se dates 21 Janar 2011, e cila sipas saj, degjeneroi ne akte dhune, cenim te rendit kushtetues, sulm ndaj institucioneve kushtetuese. Sipas policise tubimi i dates 21 janar pati sulme te dhunshme ndaj punonjesve te Policise se Shtetit gjate permbushjes se detyres se tyre funksionale per garantimin, mbarevajtjen dhe ruajtjen e rendit dhe sigurise publike. "Duke pasur parasysh se nje numer i madh protestuesish ne tubimin e lartpermendur, dispononin arme zjarri, bomba "Molotov", mjete te tjera te forta si gure, shkopinj, etj, si dhe duke u bazuar ne informacionet qe administrohen nga strukturat e Policise se Shtetit, per te cilat Drejtoria e Policise se Qarkut Tirane, ka bere referimet e veprave penale ne lidhje me aktet e mesiperme, ka vendosur: Zhvillimi i nje tubim-homazh te tille, perben rrezik per sigurine kombetare, sigurine publike, mbrojtjen e rendit, parandalimin e krimit dhe mbrojtjen e te drejtave dhe lirive te njeriut", shpjegoi policia. Me tej policia sqaron se "sipas sanksionimit ligjor, te nenit 1, pika 2, te Ligjit Nr.8773, date 23.04.2001 "Per Tubimet" dhe ne rrethana te tilla, Policia e Shtetit, Drejtoria e Policise se Qarkut Tirane, nuk garanton mbarevajtjen dhe zhvillimin e ketij tubimi".