Politikania kosovare kujton takimin me Benet Becin dhe e uron për fitoren në Shkodër

Mimoza Kusari Lila, politikania shqiptare e Kosovës, ka kujtuar një takim të dy viteve më parë me Benet Becin dhe përmes tij e uron për fitoren e Bashkisë së Shkodrës. Kusari Lila thotë se pret më shumë ide dhe projekte për Shkodrën dhe Gjakovën e saj.

"Zgjedhjet vendore në Shqipëri përfunduan. Në shumicën e bashkive u shpallën fituesit të cilëve ju uroj mandat të suksesshëm për të mirën e gjithë qytetarëve pa dallim.  Megjithatë, ky urim është edhe paksa më i veçantë për një fitore të veçantë, atë të Benet Becit në Shkodër.

Bashkëpunimin me Benetin e kemi pasë filluar kur unë isha kryetare e Komunës së Gjakovës, ndërsa ai ishte drejtor i Fondit Zhvillimor Shqiptar. Lidhja e tij e afërt familjare me Gjakovën e bënte bashkëpunimin tonë më të lehtë, ndërsa pozita e tij në Fondin Zhvillimor ofronte mundësinë e aktiviteteve në tërë Shqipërinë.

Benetit ia kishim kërkuar investimin në rrugën e vjetër të Bajram Currit e cila kishte rëndësi të veçantë emocionale dhe praktike për Gjakovën dhe Malësinë e saj. Restaurimi i asaj rruge u nisë dhe u përfundua brenda vitit kur u kërkua, vitit 2016. Kishim edhe plane tjera dhe ide bashkëpunimi në Malësi, por rrugët tona morrën drejtime tjera.

Gjakova dhe Shkodra ndajnë mes vete më shumë ngjajshmëri se cilat do vise tjera të Shqiptarisë, andaj plot entuziazëm dhe besim në punën dhe përkushtimin e tij pres idetë dhe projektet për dy bashkitë/komunat Shkodër - Gjakovë. Të priftë e mbara miku ynë", shkruan politikania Mimoza Kusari Lila.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu