Politikë me Shërbimet

Debatet rreth shërbimeve sekrete në vend janë intensifikuar ditëve të fundit. Partitë politike këtë temë tani e duan edhe në Parlamentin e Kosovës. Kryesia e Kuvendit të martën refuzoi një kërkesë të PDK’së për debat rreth krimeve të pasluftës në Kosovë, me sugjerimin që ajo të qartësohet. Analisti Baton Haxhiu thotë se hapja e këtyre temave nuk sjell asnjë rezultat për vendin. Nga Shpend Limoni më 27 prill 2011 në ora 09:07

Debati për shërbimet sekrete në vend nuk ka të ndalur.

Madje partitë politike kohëve të fundit këtë temë e kanë vendosur shumë lart në agjendat e tyre.

Disa janë duke tentuar që këtë çështje ta trajtojnë edhe brenda Parlamentit të Kosovës, e disa edhe nëpër gjykata.

Aleanca për Ardhmërinë e Kosovës ka kërkuar që të hetohet veprimtaria e një prej organizatave më të përfolura –Shërbimi Informativ i Kosovës (SHIK), i afërt me PDK’në.

Debatin për këtë organizatë për një kohë të gjatë në skenën politike të vendit e ka mbajtur të hapur edhe deputeti i Lëvizjes Vetëvendosje, Florin Krasniqi duke bërë edhe akuza të rënda.

E pikërisht për këtë, deputeti i PDK’së, Bekim Haxhiu –Kamishi i cili ka deklaruar se ka punuar në SHIK, ka paditur në Kosovë dhe SHBA Krasniqin e Vetëvendosjes.

Por kjo nuk është e tëra.

Partia Demokratike e Kosovës ka deponuar një kërkesë në Kuvend, me të cilën ka kërkuar debat parlamentar për krimet e pasluftës në Kosovë, të cilën Kryesia e Kuvendit nuk e ka aprovuar të martën, duke kërkuar qartësimin e saj.

Shkrimin e plotë mund ta lexoni në Express...