Poloni, një prokuror tenton të vetëvritet

VARSHAVË - Një prokuror ushtarak tentoi sot të vetëvritet me armën e tij të shërbimit gjatë një pushimi të një konference shtypi që po zhvillohej në Poznan, në perëndim të vendit, njoftoi media polake, e pranishme në konferencë.

Koloneli kishte dalë para gazetarëve për të mbrojtur një hetim, ushtarak lidhur me rrjedhjen e informacioneve në media për tragjedinë ajrore ku humbi jetën ish-presidenti i Polonisë Kazinski.

"Pacienti është i ndërgjegjshëm. Nuk është në rrezik", deklaroi Leslaw Lenartowicz, drejtor i spitalit HCP në Poznan në televizionin TVN24.

(er.nu/BalkanWeb)