Polonia përfundon proçesin e ratifikimit të Traktatit të Lisbonës

Presidenti polak nënshkroi traktatin reformues të Bashkimit Evropian, duke lënë Çekinë të vetmin vend që duhet të ratifikojë marrëveshjen.

Presidenti Kazinski firmos ratifikimin e Traktatit të Lisbonës
Presidenti Leh Kazinski përfundoi ratifikimin në një ceremoni sot në praninë e presidentit të komisionit evropian Hoze Manuel Barroso.

Zoti Kazinski tha se bashkëpunimi i ri mes vendeve sovrane do të jetë i suksesshëm. Parlamenti polak e miratoi traktatin e Lisbonës vitin e kaluar por presidenti Kazinski refuzoi ta nënshkruante atë deri pas votës së irlandezëve. 

Të 27 vendet anëtare duhet të ratifikojnë traktatin e hartuar për të lehtësuar procesin e vendim-marrjes së bllokut. Parlamenti çek e ka miratuar traktatin por presidenti Vasllav Klaus ka thënë se ai mund të dëmtojë sovratitetin e vendit. //mm//