Porti i Durrësit, Rama: Do impaktojë GDP e vendit deri në 1.8 % çdo vit! Do ngrejë peshë vlerën e gjithë Shqipërisë

Ndërtimi i Portit Turistik të Durrësit do të ketë një kontribut dhjetëvjeçar me rreth 8 miliardë euro në Prodhimin e Përgjithshëm Kombëtar. Kështu shkruan kryeministri Edi Rama, teksa thekson se po ashtu do të impaktojë GDP e vendit 1.2% deri 1.8 % çdo vit.

Sipas kryeministrit, ky projekt do të jetë një motor ekonomik që do të ngrejë “peshë” vlerën e Durrësit dhe të gjithë Shqipërisë.

“Vetëm ndërtimi i Portit Turistik do të  impaktojë GDP e vendit 1.2% deri 1.8 % çdo vit dhe ky port do të jetë një motor ekonomik, me një kontribut dhjetëvjeçar rreth 8 miliardë euro në Prodhimin e Përgjithshëm Kombëtar, ndërkohë që do të ngrejë peshë vlerën e Durrësit dhe të gjithë Shqipërisë”, shkruan Rama në Facebook.

Me 76 vota pro, Kuvendi miratoi të enjten projektin për Portin e Durrësit.  Në një seancë maratonë Kuvendi i hapi rrugë investimit më të madh në rajon, i cili do të jetë tërëisht i huaj dhe do të ndahet në 2 faza me 5 vite distancë. 

/rtsh.al/