Praga ndalon daljet në bar në orët e vona të natës për të dekurajuar turistët

Praga, një qytet po aq i famshëm për birrën e tij sa edhe arkitekturën historike, ka vendosur të ndalojë daljet në bare gjatë orëve të vona të natës, duke kërkuar t’i japë fund reputacionit të tij si destinacion feste.

Kryeqyteti çek është pika më e fundit e nxehtë e turizmit evropian që frenon turmat, mes shqetësimeve për ndikimin në cilësinë e jetës së banorëve vendas.

Nënkryetari i bashkisë së Pragës, Jiri Pospisil, tha se qyteti dëshiron të dekurajojë turistët që vijnë “për një kohë të shkurtër vetëm për t’u dehur, në favor të një turisti më të kulturuar dhe më të pasur.

Gjatë dy dekadave të fundit, pjesërisht falë bumit të linjave ajrore me çmime ekonomike, Praga është bërë një destinacion i preferuar për festat e beqarëve dhe beqareve, veçanërisht nga Mbretëria e Bashkuar.

Lajmi, i shpallur të hënën, pason ankesat nga banorët e Pragës 1, lagjen historik të qytetit, shtëpia e Sheshit të Qytetit të Vjetër të mbrojtur nga UNESCO, Kështjellës së Pragës dhe Ura e Karlit, për zhurmën e shkaktuar nga lokalet.

Ndalimi ndikon vetëm në turnetë grupore të organizuara nga agjencitë dhe nuk do të ndalojë grupet individuale që të organizojnë dalje në bar ose të qëndrojnë jashtë duke pirë vonë. Siç theksoi Starek, “askush nuk do të ndalohet të shkojë në një lokale”.

Praga i bashkohet shumë qyteteve anembanë Evropës që po marrin masa kundër turistëve muajt e fundit. Zyrtarët në Venecia, Itali kohët e fundit kufizuan madhësinë e grupeve turistike në 25 persona dhe ndaluan megafonët, ndërsa kryebashkiaku i Barcelonës planifikon t’i japë fund qirave të apartamenteve për turistët deri në vitin 2028./ CNN

/rtsh.al/