Pranga 3 mjekeve, perfitonin nga invalidet
Tirane-Tre mjeke te komisionit mjeko-ligjor ne spitalin e Elbasanit, jane prangosur me akuzen e korrupsionit pasiv e kryer ne bashkepunim. Pas nje hetimi disa mujor dhe ne baze te kallezimeve te te demtuarve, jane arrestuar dje Ervedin Pudre, 49 vjec, mjek i pergjithshem i spitalit te Elbasanit, Adrian Palloshi 43 vjec, mjek urolog ne kete spital, si dhe Astrit Leka 62 vjec, mjek kardiolog ne spitalin e Librazhdit. Arrestimi i tyre u krye nga strukturat e hetimit te krimit te Drejtorise Kunder Krimit Financiar ne Drejtorine e Pergjithshme te Policise ne bashkepunim me Prokurorine e Rrethit Gjyqesor Elbasan. Burime zyrtare te policise bene te ditur se te tre keta persona, anetare te komisionit mjeko-ligjor per dhenien e invaliditetit ne pune, jane kapur ne flagrance ne nje nga zyrat e agjencise te sigurimeve shoqerore ne Gramsh, duke u marre para qytetareve banore te ketij rrethi, ne kembim te dhenies se pensionit te parakohshem si invalid me aftesi te kufizuar. Nga hetimet e kryera rezulton se 3 mjeket, duke qene anetare te ketij komisioni, gjate vleresimit dhe percaktimit te grupit te invaliditetit, u nxirrnin qytetareve pengesa pa shkaqe ligjore ne lidhje me dokumentet e paraqitura, kategorine e semundjes dhe grupit te invaliditetit. Sipas policise, keto veprime te kunderligjshme i kane kryer me qellime presioni, qe ata te paguanin para ne shuma te ndryshme, ne kembim te nenshkrimit te raportit mjeko-ligjor, per grupin e invaliditetit te kerkuar. Ne momentin e kapjes ne flagrance te mjekeve, te cilet tentuan te fshehin provat materiale, ju gjeten dhe sekuestruan nje shume prej 65 000 leke, qe ua kishin marre 9 qytetareve, te cileve do t'u vleresohej nga ky komision, dokumentacioni i paraqitur per percaktimin e grupit te invaliditetit dhe perfitimin e pensionit per kete kategori personash. Ndaj 3 mjekeve te arrestuar, rendon akuza e korrupsionit pasiv nga persona qe ushtrojne funksione publike te kryer ne bashkepunim. Pas mjekeve te akuzuar, policia ka kapur dhe shoqeruar per kryerjen e veprimeve proceduriale edhe qytetaret, te cilet kane paguar para per perfitimin e grupit te invaliditetit. Strukturat e policise vazhdojne punen per dokumentimin e plote te te gjitha rasteve dhe personave te implikuar.