Seri krimesh pas perplasjes me "Banden e Cerrikut"

Pjesetaret e "Mandeles", te maskuar dhe armatosur leviznin ne zonat rivale per te siguruar informacion te nevojshem. "Mandela" kishte vendosur rregulla te forta, duke dhene mesazhe se kush tradhtonte ekzekutohej menjehere nga dora e tij. Lufta per vdekje me banden rivale te Cerrikut, te drejtuar nga Arjan Toska, nis pikerisht pas vrasjes se vellait te tij, Gazmir Peqini. Kapoja i "Bandes se Cerrikut", Arjan Toska, kishte arritur te siguronte nje informator ne radhet e "Mandeles". Enver Beqiri, nje person shume i afert me "Mandelen", kishte dhene informacion per vendndodhjen e vellait te kapobandes dhe me pas, Toska caktoi dy njerezit e tij te vrasin Gazmir Peqinin. Ketu fillon dhe lufta hakmarrese e "Mandeles". Ai se bashku me dhjete pjesetare te bandes brenda dites, me bresherine e "Kallashnikoveve" derdhin mbi familjaret e Arjan Toskes mijera fisheke. Ne kete bresheri armesh, Mandela nuk kurseu as per grate dhe femijet, ku fatmiresisht nuk pati viktima, por vetem te plagosur. Ne 29 prill 1997, "Mandela" vendos per vrasjen e Enver Beqirit, tradhtarit te grupit. Fillimisht dy personat e ngarkuar per te kryer vrasjen, nje prej te cileve i vellai i "Mandeles", arrijne vetem ta plagosin Beqirin ne Cerrik. Por kur ka mesuar per shtrimin e tij ne spitalin e Elbasanit, "Mandela" urdheron ekzekutimin ne sallen e reanimacionit. Pas vrasjes "Mandela" i perfshire nga ndjenja hakmarrese, bashke me njerezit e tij te afert e marrin kufomen dhe e vendosin ne vendin ku ishte vrare vellai i tij. Me pas hedh mbi trupin e kufomes benzine dhe e djeg plotesisht. Por hakmarrja e tij, nuk do perfundonte me kaq. "Mandela" vendos per vrasjen e kreut te "Bandes se Cerrikut", Arjan Toska. Por perplasja e armatosur per rreth tre ore mes dy bandave ne qytetin e Cerrikut, perfundoi me nje bilanc negativ per "Mandelen", ku i mbeten 4 te vrare dhe disa te plagosur, ndersa nga pala kundershtare nuk pati pasoja ne njerez. I tronditur nga humbja e shkaktuar, "Mandela" arrin te marre njerkun e Arjan Toskes dhe pas disa ore torturash, trupin e tij e terheq zvarre deri ne lumin Shkumbin dhe e varros te gjalle.