Pranga atentatorit te Shtepise se Bardhe
Personi i dyshuar se qëlloi me armë zjarri ndaj Shtëpisë së Bardhë ditën e premte është obsesionuar me presidentin Barack Obama.
21-vjecari Oscar Ortega Hernandez, tashmë i arrestuar, beson sipas autoriteteve, se Zoti i ka dhënë atij një mision personal, të sulmojë Shtëpinë e Bardhë.
Një buletin i lëshuar nga policia amerikane thotë se 21-vjecari në momentin e arrestimit tregonte shenja paqëndrueshmërie mendore dhe prirje dhune.
Ai është planifikuar të paraqitet në gjyq, në Pitsburg të Pensilvanisë, më vonë gjatë ditës së enjte. Hernandez u arrestua në këtë shtet ditën e mërkurë, pasi autoritetet ishin informuar nga dikush që e kishte njohur.
Të shtëna u dëgjuan mbrëmjen e së premtes në hapësirën mes Shtëpisë së Bardhë dhe Monumentit të Uashingtonit.
Policia zbuloi më vonë një makinë të braktisur me një pushkë brenda, ndërsa dy plumba u gjetën të martën në pjesën jugore të Shtëpisë së Bardhë, ku ndodhet dhe dhoma e gjumit e presidentit.
Një nga plumbat kaloi xhamin e parë të dritares, por u ndal nga paneli anti-plumb i xhamit të dytë. Ndërsa plumbi tjetër goditi pjesën e jashtme të ndërtesës.
Presidenti dhe zonja e parë nuk ndodheshin në Uashington në atë moment, ndërkohë që nuk dihet nëse atje ishin dy vajzat e tyre, Sasha dhe Malia.
Krerët e shërbimeve sekrete deklaruan për gazetarët se plumbat nuk janë lidhur ende përfundimisht me të shtënat e së premtes.
Me origjinë nga shteti amerikan i Idahos, Hernandez ishte shpallur person i humbur nga familja e tij më 31 tetor. Mendohet se që prej atëherë ai ka jetuar në Uashington.
21-vjecari ka një dosje të pasur me arrestime, të kryera në Teksas, Jutah dhe Idaho, por policia ka deklaruar se nuk rezulton i lidhur me ndonjë organizatë.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Mjekët: Gjendja e Leka Zogut, më e mirë
Petrela: Pacienti ndodhet në reanimacion
Aksidentet rrugore, një i vdekur, katër të lënduar
Stefanovic: Bisedimet, të hënën
Kredia, Bode fluturon në Abu Dhabi