Prej 3 vitesh në kërkim, vetëdorëzohet në polici ish drejtori i hipotekës së Durrësit
Alush Xhihani, i dënuar për falsifikim dokumentesh dhe shpërdorim detyre
Është vetëdorëzuar në polici pas plot tre vitesh që ishte shpallur në kërkim nga drejtësia, ish- drejtori i Hipotekës së Durrësit, Alush Xhihani. Xhihani ishte shpallur në kërkim në 6 mars të vitit 2006, pasi akuzohej për vjedhje të kryer në bashkëpunim, falsifikim dokumentesh të kryer në bashkëpunim dhe shpërdorim detyre. Xhihani, është vetëdorëzuar në Drejtorinë e Policisë së Qarkut Durrës, ndërkohë që çështja në ngarkim të tij kishte përfunduar edhe në gjykatën e Apelit. Gjykata e Rrethit Gjyqësor Durrës e ka dënuar Xhihanin me katër vjet heqje lirie në mungesë, vendim të cilin Gjykata e Apelit më 30 tetor të 2008 e ka ulur në masën 2 vjet, duke i lënë akuzën për veprën penale të Shpërdorimit të detyrës me vendimin nr 396 të datës 30.10.2008. 45- vjeçari Xhihani, së bashku me tre ish- punonjës të tjerë të hipotekës, Rezart Skrapari, Ilir Vogli dhe Ardian Lloshi, janë akuzuar nga prokurorët e çështjes për abuzime me pronat. Në mars të vitit 2006 efektivat e policisë së Durrësit arrestuan tre shtetasit Rezart Skrapari, Ilir Vogli dhe Ardian Lloshi, ndërkohë që u shpall në kërkim Alush Xhinani, i cili është vetëdorëzuar. Ish- kreu i hipotekës, Alush Xhihani u akuzua se në bashkëpunim me shtetasit Rezart Skrapari, asokohe nënkryetar i Hipotekës, Ilir Vogli dhe Ardian Lloshi kishin regjistruar në mënyrë të paligjshme një sipërfaqe toke prej 2800 m2, e cila ishte në territorin e Kavajës dhe në këtë mënyrë ishte kompetencë e Hipotekës së Kavajës. Prokuroria e Durrësit shpalli mandat-arrestin për Xhihanin në mars të vitit 2006 dhe deklaroi se pas denoncimeve të drejtuesve të rinj të Hipotekës në vitin 2006, trualli prej 2800 metra katrorë i kompesuar personit Elton Dudi, i është shitur Adrian Lloshit 1000 metra katrorë, ndërsa Ilir Voglit e njëjta sipërfaqe toke prej 1000 metra. Prokuroria deklaroi atëherë se Ardian Lloshi si kunat i Xhihanit dhe lidhje të tilla janë shfrytëzuar për dhënien e një sipërfaqe të madhe toke truall në mënyrë të paligjshme. Personat e tjerë të arrestuar për këta ngjarje e kanë vuajtur tashmë dënimin dhe janë të lirë, ndërkohë që duhet theksuar se në përfundim të hetimeve, në tetor 2006 prokuroria kërkoi në gjykatën e shkallës së parë dënimin me 15 vjet heqje lirie për Alush Xhihanin. Çështja në fjalë, pas apelimit përfundoi me rrëzimin e akuzave për vjedhje në bashkëpunim dhe falsifikim dokumentesh dhe në këtë mënyrë Xhihani u akuzua vetëm me dy vjet heqje lirie. Për zbulimin e abuzimeve të dosjes së Hipotekës së Durrësit prokuroria e këtij qyteti ka bashkëpunuar me policinë e shtetit, Shërbimin Informativ Shtetëror, Kontrollin e Lartë të Shtetit, Drejtorinë e përgjithshme të regjistrimit të Pasurisë së Paluajtshme si dhe institucione të tjera duke mbyllur dosjet për shumë persona të implikuar.
Është vetëdorëzuar në polici pas plot tre vitesh që ishte shpallur në kërkim nga drejtësia, ish- drejtori i Hipotekës së Durrësit, Alush Xhihani. Xhihani ishte shpallur në kërkim në 6 mars të vitit 2006, pasi akuzohej për vjedhje të kryer në bashkëpunim, falsifikim dokumentesh të kryer në bashkëpunim dhe shpërdorim detyre. Xhihani, është vetëdorëzuar në Drejtorinë e Policisë së Qarkut Durrës, ndërkohë që çështja në ngarkim të tij kishte përfunduar edhe në gjykatën e Apelit. Gjykata e Rrethit Gjyqësor Durrës e ka dënuar Xhihanin me katër vjet heqje lirie në mungesë, vendim të cilin Gjykata e Apelit më 30 tetor të 2008 e ka ulur në masën 2 vjet, duke i lënë akuzën për veprën penale të Shpërdorimit të detyrës me vendimin nr 396 të datës 30.10.2008. 45- vjeçari Xhihani, së bashku me tre ish- punonjës të tjerë të hipotekës, Rezart Skrapari, Ilir Vogli dhe Ardian Lloshi, janë akuzuar nga prokurorët e çështjes për abuzime me pronat. Në mars të vitit 2006 efektivat e policisë së Durrësit arrestuan tre shtetasit Rezart Skrapari, Ilir Vogli dhe Ardian Lloshi, ndërkohë që u shpall në kërkim Alush Xhinani, i cili është vetëdorëzuar. Ish- kreu i hipotekës, Alush Xhihani u akuzua se në bashkëpunim me shtetasit Rezart Skrapari, asokohe nënkryetar i Hipotekës, Ilir Vogli dhe Ardian Lloshi kishin regjistruar në mënyrë të paligjshme një sipërfaqe toke prej 2800 m2, e cila ishte në territorin e Kavajës dhe në këtë mënyrë ishte kompetencë e Hipotekës së Kavajës. Prokuroria e Durrësit shpalli mandat-arrestin për Xhihanin në mars të vitit 2006 dhe deklaroi se pas denoncimeve të drejtuesve të rinj të Hipotekës në vitin 2006, trualli prej 2800 metra katrorë i kompesuar personit Elton Dudi, i është shitur Adrian Lloshit 1000 metra katrorë, ndërsa Ilir Voglit e njëjta sipërfaqe toke prej 1000 metra. Prokuroria deklaroi atëherë se Ardian Lloshi si kunat i Xhihanit dhe lidhje të tilla janë shfrytëzuar për dhënien e një sipërfaqe të madhe toke truall në mënyrë të paligjshme. Personat e tjerë të arrestuar për këta ngjarje e kanë vuajtur tashmë dënimin dhe janë të lirë, ndërkohë që duhet theksuar se në përfundim të hetimeve, në tetor 2006 prokuroria kërkoi në gjykatën e shkallës së parë dënimin me 15 vjet heqje lirie për Alush Xhihanin. Çështja në fjalë, pas apelimit përfundoi me rrëzimin e akuzave për vjedhje në bashkëpunim dhe falsifikim dokumentesh dhe në këtë mënyrë Xhihani u akuzua vetëm me dy vjet heqje lirie. Për zbulimin e abuzimeve të dosjes së Hipotekës së Durrësit prokuroria e këtij qyteti ka bashkëpunuar me policinë e shtetit, Shërbimin Informativ Shtetëror, Kontrollin e Lartë të Shtetit, Drejtorinë e përgjithshme të regjistrimit të Pasurisë së Paluajtshme si dhe institucione të tjera duke mbyllur dosjet për shumë persona të implikuar.