"Presidenti", Berisha nis të martën negociatat me aleatët

TIRANË- Kryeministri Sali Berisha, edhe në cilësinë e kreut  të mazhorancës qeverisëse pritet të nisë ditën e  martë, negociatat për zgjedhjen e Presidentit të vendit. Së pari, këto negociata do të nisin me aleatët e  Partisë Demokratike. Menjëherë  sapo Berisha të kthehet  nga SHBA, kryeministri ka  deklaruar se do të konsultohet  së pari me ata që ka pranë  dhe me të cilët ndan kabinetin  qeveritar. Nga LSI, PR e  parti të tjera të koalicionit,  kreu i qeverisë do të marrë  prej tyre mendimet, ndërsa  publikisht ai ka thënë se Presidenti  i ri do të dalë nga figurat  drejtuese të PD-së. 

Qëndrimi është kundërshtuar  në fakt nga LSI, një prej aleatëve të PD-së në  këtë qeveri. Në listën e takimeve, Berisha ka renditur  edhe atë me kreun e PS-së, Edi Rama, pas  ftesës së këtij të fundit dhe thirrjeve të herëpashershme  që i ka bërë në deklarata për shtyp.
(el.me/GSH/BalkanWeb)