Presidenti Bujar Nishani vizitë zyrtare në Zagreb

Kroacia feston sot hyrjen e saj në Bashkimin Europian

Presidenti i Republikës Bujar Nishani, është nisur drejt Kroacisë, për të marrë pjesë në festimet e organizuara me rastin e hyrjes së vendit ballkanik në Bashkimin Evropian. Kreu i shtetit shqiptar zhvillon këtë vizitë zyrtare, me ftesë të homologut të tij kroat Presidenti Ivo Josipoviç.
Sipas njoftimit të zyrës së shtypit pranë Presidencës, gjatë qëndrimit në Kroaci, Presidenti Nishani do të zhvillojë edhe një takim me Zëvendësndihmësin e Sekretarit amerikan të Shtetit për Evropën dhe Euroazinë, Philip Reeker.