Presidenti Lotito blindon Zaraten tek Lacio

Romë - Presidenti i Lacios, Lotito, është i gatshëm për të paguar futbollistin Zarate me 8 milion euro për tre sezonet e ardhshme. Sulmuesi argjentinas është vënë në shenjestrën e mjaft klubeve në Europë, dhe këto kërkesa kanë frikësuar lacialët. Vetë futbollisti i ka deklaruar besnikërinë tifozëve të Lacios, dhe këtë e përforcon edhe vellai i tij që është edhe menaxher i lojtarit.

Për gazetën Tuttosport vëllai i futbollistit, Serxhio Zarate, është shprehur se sulmuesi ndjehet mjaft mirë tek skuadra kryeqytetase, dhe nuk ka asnjë shkak për t’u larguar.