Presidenti Topi: Perdorimi i fese per qellime politike, eshte i papranueshem

Presidenti Bamir Topi, e cilesoi dje te papranueshme futja e argumentit fetar si prapavije politike. Gjate dekorimit te udheheqesve me te larte shpirterore te bashkesive fetare ne vend, kreu i shtetit tha se perdorja e argumentit fetar si prapavije politike eshte rrezik per harmonine dhe laicitetin e shtetit. "Perdorimi i fese per qellime politike, eshte i papranueshem, futja e argumentit fetar si prapavije politike eshte rrezik per harmonine dhe laicitetin e shtetit. Kur kjo tendence shfaqet, duhet te reagojme me force e te bashkuar, per ta izoluar fenomenin qe ne nisje. Gjithashtu besimi fetar eshte nje koncept qe i perket jetes se brendshme te individit dhe kjo nuk ka te beje me perkatesine e tij etnike", tha kreu i shtetit. Ai premtoi se do te ushtroje te gjithe autoritetin qe ka per te ndikuar ne permiresimin e kujdesit ne nivel institucion ne permiresimin e kujdesit ne nivel institucional per keto ceshtje. Sipas Presidentit Topi, permiresimi dhe plotesimi i legjislacionit eshte gjithmone jo vetem i dobishem, por edhe i nevojshem ne relacion me proceset integruese ku eshte perfshire vendi. "Ceshtja e pronave, e hapesirave per t'u ushtruar, e shkollave dhe e instalimit te programeve te kultivimit te dialogut nderfetar, pra te drejtat e bashkesive, duhet te kene percaktime te qarta ligjore. Ne nje shoqeri te lire kane vendin e tyre te natyrshem edhe agnostiket, te cilet kontribuojne ne ndertimin e demokracise dhe lirise. Ata respektojne te drejtat e besimtareve dhe te komuniteteve te tyre, ashtu si dhe ju pranoni pozicionin dhe te drejta e tyre",-tha Presidenti. Duke shtuar se Shqiperia ne pothuaj 20 vjet po konsolidon demokracine e saj dhe ka bere hapa te rendesishem ne procesin e integrimit, duke zene gradualisht vendin e saj te natyrshem ne familjen e popujve evropiane, ai shtoi se ne nje proces te tille, jemi te gjithe te deshiruar pa asnje dallim politik, fetar e kulturor.