Topi, vizite ne Gjermani, do te shoqerohet nga Meta

Presidenti Bamir Topi, niset per nje vizite zyrtare ne Gjermani. Kreu i shtetit shqiptar, u nis dje se bashku me Zonjen e Pare, Teuta Topi, per nje vizite zyrtare dyditore ne Republiken Federale te Gjermanise, me ftese te Presidentit gjerman, Horst Keler. I shoqeruar edhe nga numri dy i qeverise, zevendeskryeministri Ilir Meta, kryetari i Gjykates Kushtetuese, Vladimir Kristo, Zevendesministri i Kultures, Nikolle Lesi, deputeti Gazmend Oketa, anetare te kabinetit te Presidentit, etj, gjate vizites dy ditore, kreu i shtetit do te zhvilloje takime me Presidentin e Gjermanise, Horst Keler dhe me perfaqesues te tjere te larte te shtetit federal. Teme qendrore e bisedimeve mes dy Presidenteve, do te jete thellimi dhe forcimi i metejshem i marredhenieve te mira mes dy vendeve dhe popujve tane, ne kuader dhe te zhvillimit e te integrimit te Shqiperise dhe te rajonit ballkanik ne strukturat evropiane. Gjithashtu, kreu i shtetit shqiptar do te marre pjese ne forumin ekonomik qe do te zhvillohet ne Berlin, me pjesemarrjen e perfaqesuesve te bizneseve te te dy vendeve, gjate te cilit Presidenti Topi, do te mbaje nje fjale pershendetese, kryesisht lidhur me zgjerimin e bashkepunimit ekonomik e tregtar mes Shqiperise dhe Gjermanise.