Presidenti Topi i përgjigjet interesimit të mediave lidhur me çështje të aktualitetit politik
15 tetor 2011
Shkodër
Presidenti i Republikës, Prof. Dr. Bamir Topi, në përfundim të veprimtarisë për dekorimin e personaliteteve të shquara të artit dhe të sportit shkodran, iu përgjigj interesimit të mediave lidhur me çështje të aktualitetit politik.
I pyetur lidhur me komentet e bëra mbi kthimin e ligjit të mbetjeve, Presidenti Topi u përgjigj:
“Së pari këto zotërinj duhet të dinë të komunikojnë në një shtet demokratik, ku pushtetet janë të ndara jo sipas vullneteve të individëve të caktuar, por sipas Kushtetutës. Unë gjej rastin të rishpreh edhe një herë atë vullnet të shprehur nëpërmjet dekretit tim. Mund t’ju them që të gjitha betejat e karakterit juridik, që janë zhvilluar, konsiderohen të fituara nga Institucioni i Presidentit, mjafton të merrni në konsideratë atë që ka qenë çështja më e ndjeshme, çështja e pronave. Gjykata Kushtetuese i shkoi në sintoni, sipas të drejtës, vendimmarrjes që pati Presidenti për ta kthyer. Kështu që unë i sugjeroj këtyre zotërinjve që të mos i trajtojnë në sfondin politik gjërat. Presidenti i Republikës ka të drejtën absolute kushtetuese të shprehë vullnetin e tij, aq më shumë kur ai është i argumentuar qoftë në planin juridik, qoftë dhe në planin tjetër ku Kushtetuta detyron shtetin edhe për sa i përket pozicionit social. Unë nuk kam parë ndonjëherë ndonjë përfaqësues të Ministrisë së Mjedisit që të jetë kaq i painteresuar për mjedisin. Do t’i thoja të orientohen tek mendimet e qytetarëve, që, si asnjëherë tjetër, kanë qenë në një fluks të jashtëzakonshëm për ta kontestuar këtë ligj. Unë e thashë dhe dje. Unë nuk kam thënë se ligji nuk bën. Ligji është i ndërtuar në mënyrë të tillë që në pjesën më të madhe të tij është korrekt sipas mendimit tim, por, i korrigjueshëm në një çështje që unë nuk e kam konsideruar për ta kaluar. Kjo është e drejta e Presidentit. Pastaj ata le ta marrin në konsideratë, ose jo. Mund ta kthejnë, ose ta aprovojnë.
Në përgjigje të pyetjes për një koment lidhur me deklaraten e Zonjës Topallit që e ka njësuar atë me zotin Edi Rama, Presidenti Topi u shpreh:
“Së pari, këto zonja apo zotërinj duhet të mësojnë pikërisht artin e komunikimit qytetar, të dinë të komunikojnë në mënyrë etike, sepse komunikojnë publikisht me Institucionin e Presidentit të Republikës. Së dyti, në rast se do të dalim në një plan tjetër, ju e dini që, për definicion, spikeri përgjithësisht i merr tekstet e recitimit nga të tjerët. Është çështja se sa në mënyrë cilësore e reciton tekstin. Por, minimalisht do u thoja të gjithë këtyre që së paku në komunikim me publikun të jenë qytetar dhe, e dyta, ta flasin gjuhën shqipe në mënyrë korrekte.”
Shkodër
Presidenti i Republikës, Prof. Dr. Bamir Topi, në përfundim të veprimtarisë për dekorimin e personaliteteve të shquara të artit dhe të sportit shkodran, iu përgjigj interesimit të mediave lidhur me çështje të aktualitetit politik.
I pyetur lidhur me komentet e bëra mbi kthimin e ligjit të mbetjeve, Presidenti Topi u përgjigj:
“Së pari këto zotërinj duhet të dinë të komunikojnë në një shtet demokratik, ku pushtetet janë të ndara jo sipas vullneteve të individëve të caktuar, por sipas Kushtetutës. Unë gjej rastin të rishpreh edhe një herë atë vullnet të shprehur nëpërmjet dekretit tim. Mund t’ju them që të gjitha betejat e karakterit juridik, që janë zhvilluar, konsiderohen të fituara nga Institucioni i Presidentit, mjafton të merrni në konsideratë atë që ka qenë çështja më e ndjeshme, çështja e pronave. Gjykata Kushtetuese i shkoi në sintoni, sipas të drejtës, vendimmarrjes që pati Presidenti për ta kthyer. Kështu që unë i sugjeroj këtyre zotërinjve që të mos i trajtojnë në sfondin politik gjërat. Presidenti i Republikës ka të drejtën absolute kushtetuese të shprehë vullnetin e tij, aq më shumë kur ai është i argumentuar qoftë në planin juridik, qoftë dhe në planin tjetër ku Kushtetuta detyron shtetin edhe për sa i përket pozicionit social. Unë nuk kam parë ndonjëherë ndonjë përfaqësues të Ministrisë së Mjedisit që të jetë kaq i painteresuar për mjedisin. Do t’i thoja të orientohen tek mendimet e qytetarëve, që, si asnjëherë tjetër, kanë qenë në një fluks të jashtëzakonshëm për ta kontestuar këtë ligj. Unë e thashë dhe dje. Unë nuk kam thënë se ligji nuk bën. Ligji është i ndërtuar në mënyrë të tillë që në pjesën më të madhe të tij është korrekt sipas mendimit tim, por, i korrigjueshëm në një çështje që unë nuk e kam konsideruar për ta kaluar. Kjo është e drejta e Presidentit. Pastaj ata le ta marrin në konsideratë, ose jo. Mund ta kthejnë, ose ta aprovojnë.
Në përgjigje të pyetjes për një koment lidhur me deklaraten e Zonjës Topallit që e ka njësuar atë me zotin Edi Rama, Presidenti Topi u shpreh:
“Së pari, këto zonja apo zotërinj duhet të mësojnë pikërisht artin e komunikimit qytetar, të dinë të komunikojnë në mënyrë etike, sepse komunikojnë publikisht me Institucionin e Presidentit të Republikës. Së dyti, në rast se do të dalim në një plan tjetër, ju e dini që, për definicion, spikeri përgjithësisht i merr tekstet e recitimit nga të tjerët. Është çështja se sa në mënyrë cilësore e reciton tekstin. Por, minimalisht do u thoja të gjithë këtyre që së paku në komunikim me publikun të jenë qytetar dhe, e dyta, ta flasin gjuhën shqipe në mënyrë korrekte.”