Presidenti Topi uron Presidentin e ri gjerman, Vulf

Në mesazhin e urimit që Presidenti Topi i dërgoi z. Vulf me rastin e zgjedhjes në postin e lartë të Presidentit të Republikës Federale të Gjermanisë, ai shprehu besimin se "Miqësia dhe niveli shumë i mirë i marrëdhënieve midis dy vendeve tona do të vazhdojë të konsolidohet dhe të zhvillohet në vazhdimësi, në të mirë të dy popujve tanë miq".

Duke i uruar suksese në misionin e tij, Presidenti Topi shprehu dëshirën e një takimi të afërt me homologun e tij të gjerman.