Presidenti emëron 5 gjyqtarë në Tiranë e Durrës

06/04/2010 Dekretet

Presidenti Bamir Topi firmosi dje dekretin me të cilin emëron në detyrë pesë gjyqtarë në rrethet Tiranë dhe Durrës. Me propozim të Këshillit të Lartë të Drejtësisë, pasi shqyrtoi kandidaturat e paraqitura dhe në shqyrtim të vendeve të mbetura vakante në gjykata, Presidenti firmosi emërimin e pesë gjyqtarëve. Emërimet bëhen për të plotësuar vendet vakante në këto dy gjykata, që janë dhe ndër më të mëdhatë në vend dhe që trajtojnë një gamë të gjerë problematikash, jo vetëm për sa u përket çështjeve penale, por dhe civile, sidomos ato që kanë të bëjnë me çështjet e pronave. Prezantimi në detyrë i gjyqtarëve pritet të bëhet ditën e sotme.

1. Elda Vrioni, emërohet gjyqtare në gjykatën e rrethit gjyqësor Tiranë.

2. Alma Brati, emërohet gjyqtare në gjykatën e rrethit gjyqësor Durrës.

3. Astrit Faqolli, emërohet gjyqtar në gjykatën e rrethit gjyqësor Durrës.

4. Lazër Sallaku, emërohet gjyqtar në gjykatën e rrethit gjyqësor Durrës.

5. Petraq Curri, emërohet gjyqtar në gjykatën e rrethit gjyqësor Durrës.