Presidenti nderon Sekretaren Shtetit, me Urdhrin e Flamurit

Presidenti i Republikes, Bujar Nishani ka nderuar me Urdhrin e Flamurit Kombetar, Sekretaren Amerikane te Shtetit, Hillary Klinton, me motivacionin: "Per kontribut dhe merita te shquara ne mbeshtetje te Republikes se Shqiperise dhe kombit shqiptar ne te gjitha perpjekjet per perparim e mireqenie, per konsolidimin e shtetit te se drejtes dhe te nje shoqerie te lire e te hapur. Per ndihmen e jashtezakonshme ne anetaresimin e Republikes se Shqiperise ne NATO, si edhe per mbeshtetjen e cmuar per Shpalljen e Pavaresise se Republikes se Kosoves, me 17 shkurt 2008, e cila permbushi aspiratat e rajonit per liri e dinjitet. Per kontribut te cmuar ne konsolidimin e marredhenieve tradicionalisht te ngushta e miqesore ndermjet Republikes se Shqiperise dhe Shteteve te Bashkuara te Amerikes". Urdhri me i larte kombetar i nderit iu dorezua Sekretares Amerikane te Shtetit nga Kryetari i Shtetit Shqiptar gjate nje ceremonie solemne te zhvilluar ne Pallatin e Brigadave. Sekretarja e Shtetit, ka shprehur falenderimin e saj per marrjen e ketij Urdhri. "Ju falenderoj per dhenien ketij nderi te jashtezakonshem dhe do te vijoj te bej me te miren time per ta merituar plotesisht. Ju e meritoni kete plotesisht tani dhe ne te ardhmen!", u shpreh ajo. Nga ana e tij Presidenti Nishani duke vleresuar si mjaft te rendesishme viziten e Sekretares se Shtetit ne Tirane u shpreh se, "Per ne eshte nje kenaqesi dhe nder qe Sekretarja Amerikane e Shtetit pranoi kete dekorate te larte te shtetit shqiptar. Permes kesaj dekorate ne shprehim mirenjohjen per Sekretaren Klinton, qeverine amerikane dhe per popullin amerikan, te cilet, jo vetem ne sfidat me te veshtira te Shqiperise kane qene prane nesh, po dhe ne cdo hap per te ecur perpara ne rrugen e zhvillimit".