Presidentit Topi pret Ambasadorin e ri të Holandës, Kornelis Van den Dol.
11 shtator 2008
Presidenti i Republikës, Bamir Topi priti sot në Pallatin e Brigadave Ambasadorin e ri të Holandës në vendin tonë, Kornelis Van den Dol, me rastin e paraqitjes së Letrave Kredenciale.
Kryetari i Shtetit vlerësoi nivelin shumë të mirë të marrëdhënieve të miqësisë dhe të bashkëpunimit që karakterizon dy vendet tona, duke shprehur besimin në thellimin e mëtejshëm të tyre. Gjithashtu, Presidenti Topi shprehu interesimin e shtetit shqiptar për intensifikimin e bashkëpunimit ekonomik dypalësh në fusha me interes të ndërsjellë, në arsim, kulturë, në fushën e drejtësisë, transportit, mjedisit, turizmit etj.
Edhe në këtë takim, Presidenti i Republikës theksoi rëndësinë që ka për Shqipërinë integrimi në strukturat e Bashkimit Evropian dhe në NATO, duke vënë në dukje angazhimin tonë për realizimin e reformave më thelbësore në vend. Gjatë bashkëbisedimit me Ambasadorin holandez, Presidenti Topi shprehu mirënjohjen për kontributin dhe përkrahjen e Holandës në marrjen e ftesës për anëtarësim të Shqipërisë për në NATO, si dhe besimin në ratifikimin e shpejtë të Protokollit të anëtarësimit të Shqipërisë në NATO nga pala holandeze.
Në mbyllje të takimit, Presidenti Topi i uroi Ambasadorit të ri të Holandës, suksese në përmbushjen e detyrës së tij të rëndësishme në vendin tonë.
Ndërsa, Ambasadori Kornelis Van den Dol shprehu kënaqësinë për këtë takim me Presidentin Topi dhe e siguroi atë për angazhimin maksimal gjatë ushtrimit të detyrës së tij diplomatike në shërbim të forcimit dhe të konsolidimit të marrëdhënieve mes dy vendeve dhe popujve tanë.
Presidenti i Republikës, Bamir Topi priti sot në Pallatin e Brigadave Ambasadorin e ri të Holandës në vendin tonë, Kornelis Van den Dol, me rastin e paraqitjes së Letrave Kredenciale.
Kryetari i Shtetit vlerësoi nivelin shumë të mirë të marrëdhënieve të miqësisë dhe të bashkëpunimit që karakterizon dy vendet tona, duke shprehur besimin në thellimin e mëtejshëm të tyre. Gjithashtu, Presidenti Topi shprehu interesimin e shtetit shqiptar për intensifikimin e bashkëpunimit ekonomik dypalësh në fusha me interes të ndërsjellë, në arsim, kulturë, në fushën e drejtësisë, transportit, mjedisit, turizmit etj.
Edhe në këtë takim, Presidenti i Republikës theksoi rëndësinë që ka për Shqipërinë integrimi në strukturat e Bashkimit Evropian dhe në NATO, duke vënë në dukje angazhimin tonë për realizimin e reformave më thelbësore në vend. Gjatë bashkëbisedimit me Ambasadorin holandez, Presidenti Topi shprehu mirënjohjen për kontributin dhe përkrahjen e Holandës në marrjen e ftesës për anëtarësim të Shqipërisë për në NATO, si dhe besimin në ratifikimin e shpejtë të Protokollit të anëtarësimit të Shqipërisë në NATO nga pala holandeze.
Në mbyllje të takimit, Presidenti Topi i uroi Ambasadorit të ri të Holandës, suksese në përmbushjen e detyrës së tij të rëndësishme në vendin tonë.
Ndërsa, Ambasadori Kornelis Van den Dol shprehu kënaqësinë për këtë takim me Presidentin Topi dhe e siguroi atë për angazhimin maksimal gjatë ushtrimit të detyrës së tij diplomatike në shërbim të forcimit dhe të konsolidimit të marrëdhënieve mes dy vendeve dhe popujve tanë.