Pret damarët e hidhet në pus, rëndë 29-vjeçari

DURRËS- Një 29-vjeçar me probleme mendore ka tentuar t'i japë fund jetës, duke prerë fillimisht damarët e dorës e më pas duke u hedhur në pus. Ngjarja e rëndë ka ndodhur në fshatin Thumanë. Sipas policisë, shtetasi A.L është gjetur nga familjarët në gjendje të rëndë për jetën dhe është dërguar me urgjencë në Spitalin Ushtarak në Tiranë.
Mjekët deklarojnë se gjendja e tij shëndetësore është kritike, pasi ka humbur shumë gjak. Ndërkohë që policia duke hetuar për ngjarjen, ka pyetur familjarët, të cilët kanë pohuar se djali kurohej prej vitesh pranë spitalit nr 5 të Tiranës.