Prifti: Greva e urise, ne Kuvend

Politikanet greviste synojne Kuvendin. Grupi i deputeteve dhe politikaneve qe kane vendosur te hyjne ne greve per masakren zgjedhore, nuk perjashtojne institucionin e Kuvendit, si vend ku te realizojne greven e urise. Nje prej tyre, deputeti Dritan Prifti tha per gazeten se nuk perjashtohet aspak Kuvendi, pa marre parasysh se ne kete institucion nuk lejohet hyrja per ata qe nuk kane mandat e aq me pak te shfrytezohen e bllokohen ambientet jashte objektit dhe qellimit te aktivitetit te institucionit. "Do te mblidhen forumet drejtuese te Levizjes Socialiste per Integrim per te vendosur se kur do te nise greva dhe ku do te zhvillohet. Nuk perjashtohet institucioni i Kuvendit. Por mbetet per t'u vendosur", tha Prifti. Por nga ana tjeter, ai theksoi se per disa dite do te pritet reagimi apo nderhyrja e Presidentit te Republikes, Bamir Topi per reformen zgjedhore dhe ndryshimet flagrante te Kushtetutes. Nese nga ana e kreut te shtetit nuk do te kete asnje reagim apo ndergjegjesim te klases politike, per te mos shkaterruar zgjedhjet me kete Kod Elektoral, qe shkel ligjet e Kushtetuten, atehere do te nise greva. Sipas reagimeve, duket se politikanet greviste do te presin deri diten e shtune Presidentin per te bere nje levizje pro kerkesave dhe shqetesimeve te tyre. Ne te kundert, po kete dite, do te marrim vendim per te hyre ne greve urie pa afat. Por vendosja e institucionit te Kuvendit, si ambient per te zhvilluar greven, duket se eshte e pamundur. Nga menyra e funksionimit te institucionit, nuk lejohet qe njerez pa mandat dhe pa leje te hyjne ne Kuvend. E aq me pak, te kene mundesi te bllokojne ambientet e tij, per qellime qe nuk kane lidhje me funksionimin e institucionit. Rebelimi i politikaneve erdhi menjehere pasi Komisioni i Posacem per Reformen Zgjedhore vendosi qe, perberja e Komisionit Qendror te Zgjedhjeve dhe komisioneve te tjera, te jete me 7 anetare.