Serbet e Hages, burg ne Shqiperi

Parlamenti shqiptar i hapi rruge dje marreveshjes me Tribunalin e Hages, te firmosur ne 19 shtator nga Shqiperia dhe Gjykata Nderkombetare te Krimeve per ish - Jugosllavine. Me kete marreveshje, Shqiperia gezon te gjitha te drejtat per te kerkuar qe denimin e dhene nga Tribunali, per masakrat e bera ne Kosove, gjeneralet famekeq serbe, ta vuajne ne burgjet shqiptare. Projektligji u miratua me shumice votash. Pas ketij vendimi, te burgosurit serbe, te denuar per krime lufte nga Haga, mund te vuajne denimet ne burgjet shqiptare. Parlamenti miratoi dje me shumice votash projektligjin per kete ceshtje qe eshte firmosur qe ne shtator nga Haga dhe Shqiperia. Por, kjo marreveshje eshte kundershtuar nga Serbia, vetem nje muaj pas publikimit te lajmit se, te denuarit per krime lufte ne Kosove, do te mund te vuajne denimin e caktuar nga Gjykata Nderkombetare, ne qelite shqiptare. Ne seancen e radhes ligjvenesit shqiptare votuan me 81 vota pro dhe 1 abstenim projektligjin "Per ratifikimin e marreveshjes ndermjet Republikes se Shqiperise dhe Kombeve te Bashkuara per zbatimin e vendimeve te Gjykates Nderkombetare te Krimeve per ish - Jugosllavine". Ky "Ok" i Kuvendit i hapi dje rrugen marreveshjes mes Hages dhe Shqiperise qe u firmos me 19 shtator te ketij viti. Por ne muajin tetor pasi u njoh fillimisht me marreveshjen, Serbia i dergoi menjehere nje note proteste Gjykates se Hages, kunder marreveshjes me Shqiperine, sipas te ciles, disa te burgosur lufte do te dergohen ne burgjet shqiptare. Drejtori serb i zyres se bashkepunimit me Hagen, Dushan Ignjatovic, shprehu shqetesimin e Beogradit ndaj vendimit te Gjykates se Hages, per kete marreveshje. Argumenti kryesor qe ngre Serbia eshte se, Shqiperia ka probleme per gjendjen e burgjeve. Marreveshja per te burgosurit per krime lufte, mes Hages dhe Shqiperise u firmos me 19 shtator te ketij viti nga ambasadori yne ne Holande, Roland Bimo dhe sekretari i Gjykates Nderkombetare, Hans Holthaus. Ne baze te nenit 1 dhe 2 te marreveshjes, shteti shqiptar me nje kerkese zyrtare, drejtuar Tribunalit, ka te drejte te kerkoje qe nje apo disa kriminele lufte, pa dallim nacionaliteti, ta vuajne denimin ne burgjet shqiptare. Ne listen e vendeve qe kane nenshkruar marreveshje te tilla jane gjithsej 16 shtete evropiane.

Reagimi

Serbia i ka dergoi menjehere nje note proteste Gjykates se Hages, kunder marreveshjes me Shqiperine, sipas te ciles disa te burgosur lufte, do te dergohen ne burgjet shqiptare. Argumenti kryesor qe ngre Serbia eshte se Shqiperia ka probleme per gjendjen e burgjeve.