Primare, Liga e Kampionëve
Pasi e nisi eksperiencën e re te Real Madrid, Jose Mourinho i ka shpalosur idetë që ka rreth objektivave me klubin madrilen. Trajneri portugez insiston se synim primar i tij është Liga e Kampionëve.
Ekipit nga kryeqyteti spanjoll i mungon ky trofe që 8 vjet, andaj eksperti portugez (që e fitoi këtë trofe të çmueshëm dy herë, me dy ekipe të ndryshme) dëshiron që ta ngritë klubin mbretëror në krye të futbollit evropian, aty ku e meriton të jetë.
“Liga e Kampionëve është ambicie logjike e Real Madridit. Një ambicie që nuk mund të mos e ketë në këtë moment një skuadër e madhe, që ka në vete disa nga futbollistët më të mirë në botë. Atyre u pëlqen të fitojnë, sepse janë të frustruar nëse nuk e bëjnë këtë, ndoshta për këtë arsye gjendet motivi që nevojitet”, tha 47 vjeçari për agjencinë Lusa.
Ish trajneri i Chelseas e kishte fituar Ligën e Kampionëve me Porton dhe me Interin, por ai është i etur që një gjë të tillë ta bëjë edhe me Realin, që do të bëhej trajneri i parë që e fiton këtë eveniment me tri klube të ndryshme. Ai fitoi edhe Premierligën me ekipin londinez. Portugezi nuk e la pa i përmendur këto suksese.
“Reali ka zgjedhur një trajner që ka fituar më shumë se lojtarët dhe që ka një personalitet më të rëndësishëm. Puna ime e ndërton klubin në drejtim të suksesit. Ekipi më i rëndësishëm në botë nuk mund të qëndrojë dy-tre sezone pa fituar asgjë”, vazhdoi trajneri karizmatik.
Pasi ka transferuar mesfushorin e Getafes Pedro Leon, Mourinho e dëshiron në ekip edhe futbollistin e Stuttgart, Sami Khedira.
“Ne dëshirojmë të kemi në ekip lojtarë të rinj me potencial të madh. Me këtë rast kemi blerë Angel Di Marian, i cili megjithatë ka kushtuar shumë. Tash e duam Khediran, që ka një potencial dhe mund të ketë rritje enorme”, pohoi portugezi.
Ndërkohë, madrilenët janë në kërkim edhe të mesfushorit ofanziv të Werder Bremen, Mesut Ozil.
Ekipit nga kryeqyteti spanjoll i mungon ky trofe që 8 vjet, andaj eksperti portugez (që e fitoi këtë trofe të çmueshëm dy herë, me dy ekipe të ndryshme) dëshiron që ta ngritë klubin mbretëror në krye të futbollit evropian, aty ku e meriton të jetë.
“Liga e Kampionëve është ambicie logjike e Real Madridit. Një ambicie që nuk mund të mos e ketë në këtë moment një skuadër e madhe, që ka në vete disa nga futbollistët më të mirë në botë. Atyre u pëlqen të fitojnë, sepse janë të frustruar nëse nuk e bëjnë këtë, ndoshta për këtë arsye gjendet motivi që nevojitet”, tha 47 vjeçari për agjencinë Lusa.
Ish trajneri i Chelseas e kishte fituar Ligën e Kampionëve me Porton dhe me Interin, por ai është i etur që një gjë të tillë ta bëjë edhe me Realin, që do të bëhej trajneri i parë që e fiton këtë eveniment me tri klube të ndryshme. Ai fitoi edhe Premierligën me ekipin londinez. Portugezi nuk e la pa i përmendur këto suksese.
“Reali ka zgjedhur një trajner që ka fituar më shumë se lojtarët dhe që ka një personalitet më të rëndësishëm. Puna ime e ndërton klubin në drejtim të suksesit. Ekipi më i rëndësishëm në botë nuk mund të qëndrojë dy-tre sezone pa fituar asgjë”, vazhdoi trajneri karizmatik.
Pasi ka transferuar mesfushorin e Getafes Pedro Leon, Mourinho e dëshiron në ekip edhe futbollistin e Stuttgart, Sami Khedira.
“Ne dëshirojmë të kemi në ekip lojtarë të rinj me potencial të madh. Me këtë rast kemi blerë Angel Di Marian, i cili megjithatë ka kushtuar shumë. Tash e duam Khediran, që ka një potencial dhe mund të ketë rritje enorme”, pohoi portugezi.
Ndërkohë, madrilenët janë në kërkim edhe të mesfushorit ofanziv të Werder Bremen, Mesut Ozil.