Prishtina: Deklarata e Tadic, e papranueshme

Kreret e institucioneve kryesore te Kosoves kane reaguar ndaj deklarates se presidentit serb Boris Tadic per ndarjen e Kosoves, duke deklaruar se nje deklarate e tille eshte e papranueshme.

Presidenti Fatmir Sejdiu ka theksuar se Kosova tashme eshte nje vend i pavarur dhe i njohur ne rang nderkombetar. “Qendrimi yne eshte i qarte. Ne jemi nje shtet dhe te gjitha perpjekjet kunder nesh jane te kota”, ka pohuar Sejdiu.

Ndersa kryetari i Parlamentit, Jakup Krasniqi eshte shprehur se kjo nuk eshte tentativa e pare e Serbise per te ndare Kosoven. “Megjithate, Kosova ka kufijte e saj qe po pranohen cdo dite nga bashkesia nderkombetare. Mendoj se Ballkanit dhe Evropes nuk iu duhen procese per rishikimin e kufijve”, ka shtuar Krasniqi.