Prodhimi vendas, cfare pelqen BE

Viti 2008, vecanerisht ky sezon veror, pershkruhet si mjaft i suksesshem per fermeret shqiptare. Produkti i rreth 700 mije toneve perimesh te stines, jo vetem qe permbush nevojat e tregut vendas, duke i shitur ato me cmime te ulura per konsumatoret, por dhe ka zgjeruar harten e vendeve ku ato eksportohen. Nese ne dy vitet e fundit mbiprodhimi destinohej ne vendet fqinje te rajonit, si ne Kosove, Mal te Zi, Maqedoni e Serbi, gjate ketij viti per here te pare eshte "ngritur dhe trau" ne territorin e BE-se. Drejtori per Median dhe Marredheniet me Publikun ne Ministrine e Bujqesise dhe Mbrojtjes se Konsumatorit, Rexhep Shahu, tha diten e hene per DE-ne, se "sivjet fermeri shqiptar ka eksportuar dhe po eksporton ne Gjermani, Itali e Hollande. Te gjitha perimet apo produktet shqiptare konsiderohen nga ekspertet si natyrale, ose bio. Kjo eshte dhe aksidentale, pasi per nje fermer ne Shqiperi eshte e pamundur financiarisht te blihen plehra a kimikate per token dhe produktet", shpjegon Shahu. Duke folur per produktet bujqesore "Made in Albania" qe jane te destinuara per tregun gjerman, Shahu liston vajin e ullirit, shalqirin, lulelakren, domaten, bimet medicinale etj. Vaji shqiptar i ullirit pelqehet dhe nga vende te tjera jashte BE-se. "Ky produkt eshte mjaft i kerkuar ne tregun boteror dhe Shqiperia eshte nje nga 5 vendet e globit qe e kultivon ullirin dhe e prodhon vajin si produkt te saj. Gjithashtu dhe bimet medicinale eksportohen deri dhe ne SHBA, per permbajtjet natyrale qe kane,"-thote Rexhep Shahu. Ministria e Bujqesise dhe Mbrojtjes se Konsumatorit eshte duke bashkepunuar me shoqatat e fermereve dhe sipermarresit e eksporteve te produkteve bujqesore per rritjen e cilesise dhe plotesimin e standardeve qe kerkon bleresi ne vendet e BE-se, per permiresimin e marketingut, te ambalazhimit te produkteve, mbajtjes se tyre ne kushte optimale gjate transportit per ne tregun e kontraktuar etj. Nje ndihme e madhe kane qene ne vitet e fundit dhe emigrantet shqiptare, te cilet jane kthyer ne vendlindje duke hapur biznese ne sektorin e bujqesise dhe blegtorise. Te kthyer ne Shqiperi me tjeter eksperience dhe mendesi, ata jane bindur se cilesia dhe standardet kane rendesi jetike si per tregun vendas ashtu dhe per produktin qe destinohet per eksport.